नवी दिल्ली (वृत्तसंस्था) सक्तवसुली संचालनालय अर्थात ईडीने मंगळवारी राष्ट्रीय शेअर बाजाराचे माजी प्रमुख रवी नारायण यांना आर्थिक गैरव्यवहार प्रकरणात अटक केली आहे.
याआधी ईडीने शेअर बाजाराच्या माजी एमजी आणि सीईओ चित्रा रामकृष्ण यांना कथित फोन टॅपिंग प्रकरणी अटक केली होती. याच अनुषंगाने सीबीआयकडून, ज्याप्रकरणांची समांतर चौकशी सुरु होती, त्या चौकशी रवी नारायण यांचे काही लोकेशन्स संशयास्पदरीत्या आढळून आले आहेत. त्यामुळे ईडीने त्यांच्यावर अटकेची कारवाई केली आहे. सध्या रवी नारायण यांची कसून चौकशी सुरु आहेत. आर्थिक गैरव्यवहार प्रकरणात त्यांचाही हात आहे का, याची पडताळणी आणि शोध ईडीकडून घेतला जात होता. यानंतर अखेर आज ईडीने मनी लाँडरिंग प्रतिबंधक कायद्याच्या (पीएमएलए) फौजदारी कलमांतर्गत फोन टॅपिंग प्रकरणात रवी नारायण यांना अटक केली आहे.
रवी नारायण हे एप्रिल 1994 पासून 31 पासून 2013 पर्यंत एनएसईचे प्रमुख होते. नारायण यांनी 2009 ते 2017 या काळात एनएसईच्या कर्मचाऱ्यांचे फोन टॅप केल्याचा आरोप आहे. अवैधरीत्या त्यांनी फोन टॅप केल्याचा आरोप करण्यात आलाय. ईडीचे वकील एन.के पट्टा यांनी दिल्ली कोर्टात नारायण यांच्यावर नेमका आरोप काय आहे, याबाबत माहिती दिली आहे.
