चोपडा (प्रतिनिधी) चोपडा ते नागलवाडी रोडवर नागलवाडी शिवारात शिव मंदिराजवळ रात्री तब्बल २० लाख रूपयांचा गुटखा जप्त करण्यात आल्यानंतर प्रचंड खळबळ उडाली आहे. दरम्यान, पोलिसांनी एका आरोपीला अटक केलीय. तर दुसरा फरार झाला आहे.
या संदर्भात पो.ना. हेमंत कोळी यांनी दिलेल्या फिर्यादीत म्हटले आहे की, दि. १० मे २०२२ रोजी रात्री ११ वाजेच्या सुमारास चंद्रकांत लक्ष्मण हटकर (वय ३५ रा. तांबापुरा, जळगाव), अजय अरुण पाटील (रा. चोपडा) हे दोघं मानवी शररीरास अत्यंत हानिकारक असलेला तसेच महाराष्ट्र राज्यात बंदी असलेला पानमसाला गुटखा व तंबाखुची विक्री करण्यासाठी महींद्रा पिकअप गाडी क्र (MH २० CT ६९६४) यामध्ये २० लाख ४० हजार ४०० रुपये किमंतीचा गुटखा, सुंगधीत तंबांखु असा शासकीय प्रतिबंधीत अन्न पदार्थ हे चोरटी विक्री करण्यासाठी अवैध वाहतूक करताना आढळून आले. यामध्ये २५ लाख ५० हजार ४०० रुपये किंमतीचा मुद्देमाल त्यामध्ये एक महिंद्रा पिकअप वाहन, एक मोबाईल फोन, व गुटखा, सुगंधित तंबाखू असा शासकीय प्रतिबंधित अन्न पदार्थ जप्त करण्यात आले आहे. याप्रकरणी एका आरोपीला अटक करण्यात आलीय. तर दुसरा फरार झाला आहे. पुढील तपास सपोनि संतोष चव्हाण हे करीत आहेत.
