मुक्ताईनगर (प्रतिनिधी) येथील नगरपंचायत नगराध्यक्ष पदासाठी आज होणाऱ्या निवडणूक प्रक्रियेस जिल्हाधिकाऱ्यांनी या प्रक्रियेला स्थगिती दिल्यामुळे प्रचंड खळबळ उडाली आहे. यामुळे मुख्यमंत्री एकनाथ शिंदे यांच्या गटातील राज्यातला पहिला नगराध्यक्ष बनता बनता राहिला आहे.
आज दि.१८ जुलै रोजी शिंदे गट शिवसेना व भाजपा पक्षातर्फे पियूष भागवत मोरे (महाजन) यांनी उमेदवारी अर्ज दाखल केला होता. त्यांचा एकमेव अर्ज असल्याने मोरे यांचा विजय निश्चित मानला जात होता. परंतू आजची निवडणूक प्रक्रिया पुढील आदेश येईपर्यंत स्थगित करण्याचे आदेश जिल्हाधिकारी यांनी दिल्याचे प्रांताधिकारी सुलाने यांनी सांगितले आहे. परंतु याबाबत लेखी आदेश अद्याप प्राप्त झाले नसल्याचेही त्यांनी सांगितले आहे. दरम्यान, माजी मंत्री एकनाथराव खडसेंचे स्विह साहाय्यक योगेश कोलते सर यांनी याबाबत माहिती दिली आहे. दरम्यान, मुक्ताईनगरच्या तत्कालीन नगराध्यक्ष नजमा तडवी यांचे जात वैधता प्रमाणपत्र अवैध ठरल्यामुळे त्यांना अपात्र करण्यात आले होते. त्यांच्या जागेवर कोणी महिला उमेदवार नसल्यामुळे एसटी या प्रवर्गातून निवडून आलेले पियुष मोरे महाजन यांची या पदावर वर्णी लागणार असल्याचे स्पष्ट झाले होते. अजून न्यायालयाचे आदेश प्राप्त झाले नसले तरी आदेश प्राप्त होईपर्यंत प्रक्रियेला स्थगिती देण्याचे निर्देश हे जिल्हाधिकाऱ्यांनी प्रांताधिकार्यांना दिले आहेत. दुसरीकडे यासंदर्भात आ. एकनाथ खडसें स्विह साहाय्यक कोलते यांनी मुक्ताईनगर नगराध्यक्ष पदांची निवडणूक ही रद्द करण्यात केल्याचे माध्यमांशी बोलताना सांगितले आहे.