जळगाव प्रतिनिधी । कामावरून घरी जाण्यासाठी निघालेल्या तरूणाच्या दुचाकीला समोरून येणाऱ्या दुचाकीने जोरदार धडक दिल्याने जागीच मृत्यू झाल्याची घटनाा सोमवारी २ सप्टेंबर रोजी दुपारी १२ वाजता घडली. तर सोबत असलेला सहकारी हा गंभीर जखमी झाला आहे.याप्रकरणी जळगाव तालुका पोलीस ठाण्यात गुन्हा दाखल करण्यात आला आहे. श्रीराम सोनाऱ्या बारेला वय-३१ रा. आमोदा खुर्द ता.जळगाव असे मयत तरूणाचे नाव आहे.
श्रीराम सोनार या बारेला हा तरूण आपल्या परिवारासह आमोदा खुर्द गावात वास्तव्याला होता. मजूरीचे काम करून तो आपला उदरनिर्वाह करत होता. रविवारी १ सप्टेंबर रोजी सायंकाळी साडेसात वाजेच्या सुमारास गावातील सहकारी मित्र शालीक बळीराम सपकाळे यांच्यासोबत दुचाकी (एमएच १४ डीएल ७३१४) ने किनोदवरून आमोदा येथे येण्यासाठी निघाले. रस्त्यावरील घार्डी फाट्याजवळ समोरून येणारे दुचाकी (एमएच ०४ डीजे ७५६०) ने त्यांना जोरदार धडक दिली. या धडकेत श्रीराम बारेला याचा जागीच मृत्यू झाला. सोबत असलेला शालीक सपकाळे हा गंभीर जखमी झाला. या घटनेबाबत श्रीराम बारेला यांचा भाऊ जगन बारेला यांनी जळगाव तालुका पोलीस ठाण्यात तक्रार दिली. त्यानुसार दुचाकीस्वार प्रवीण मल्हारी सपकाळे रा. करंज ता. जळगाव यांच्या विरोधात जळगाव तालुका पोलीस ठाण्यात गुन्हा दाखल करण्यात आला. मयताच्या पश्चात आई, दोन भाऊ, पत्नी, तीन बहिणी आणि तीन मुले असा परिवार आहे.
