धरणगाव (प्रतिनिधी) शिंदखेडा तालुक्यातील दभाशी येथील तापी नदी पात्रात मंगळवारी सकाळी धरणगाव-एरंडोल तालुका शेतकी संघाचे संचालक असलेले भाजपचे तालुका उपाध्यक्ष यांनी पत्नी व मुलीसह सामुहिक आत्महत्या केल्याची घटना घडली आहे. या घटनेने संपूर्ण तालुक्यात शोककळा पसरली आहे.
भाजपचे तालुका उपाध्यक्ष राजेंद्र रायभान देसले (वय ५४) वंदनाबाई रायभान देसले (वय ४८) व मुलगी म्यॉनल (वय २१) तिघांची नावे आहेत. राजेंद्र व ज्ञानल यांचा मृतदेह रात्री उशीरा हाती लागला. दरम्यान राजेंद्र पाटील यांच्या पत्नीचा शोध घेतला जात आहे.
याबाबत सविस्तर वृत्त असे की, तालुक्यातील भोद येथील राजेंद्र रायभान पाटील (वय ५४), पत्नी सौ.वंदनाबाई राजेंद्र पाटील (वय-४८), मुलगी म्यॉनल राजेंद्र पाटील (वय-२१) हे तिघ जण टाटा इंडीका (एमएच-१९/एपी- १०९४) गाडीने दि. १७ रोजी सकाळी अमळनेर तालुक्यातील भरवस या सासरवाडीच्या गावाला गेले होते. येथे उत्तराकार्याचा कार्यक्रम असल्याने राजेंद्र पाटील पत्नी व मुलीसह सासरवाडीला आले होते. दुपारी 3.30 वाजेच्या सुमारास ते घरी भोद येथे येण्यासाठी निघाले मात्र, ते भोदला पोहचलेच नाही. दरम्यान सायंकाळी ६ वाजेनंतर त्यांची गाडी शिंदखेडा तालुक्यातील दभाशी गावानजीक तापी नदीवर असलेल्या पुलावर लागलेली दिसली. दि. १८ दुपारी ४ वाजता राजेंद्र पाटील यांचे प्रेत नदीत तरंगतांना दिसल्यानंतर परिसरात खळबळ निर्माण झाली. रात्री उशिरा राजेंद्र पाटील यांच्या मुलीचा मृतदेह सुध्दा तरंगतांना दिसला. दरम्यान, राजेंद्र पाटील यांच्या पत्नीचा शोध घेतला जात होता. आज पुन्हा शोधमोहीम सुरु करण्यात येणार आहे.
