बोदवड (प्रतिनिधी) येथील कृषी उत्पन्न बाजार समितीच्या सभापतीपदी सुधीर तराळ तर उपसभापतीपदी ज्ञानेश्वर पाटील यांची एकमताने निवड करण्यात आली आहे.
नुकत्याच झालेल्या बोदवड कृउबा निवडणुकीत आमदार एकनाथराव खडसे यांच्या नेतृत्वाखाली राष्ट्रवादी प्रणित शेतकरी विकास पॅनलने १७ जागा मिळवून विजय संपादन केला होता. आज कृषी उत्पन्न बाजार समितीमधील सभागृहात सभापती व उपसभापतीची निवडणूक प्रक्रिया पार पडली. सभापती व उपसभापती पदासाठी एक-एक अर्ज आल्याने एकमताने अंतुर्ली (ता.मुक्ताईनगर) येथील सुधीर तराळ यांची सभापतीपदी तर धोंडखेडा (ता. बोदवड) येथील ज्ञानेश्वर पाटील यांची उपसभापती निवड झाली.
निवडणूक प्रक्रियेचे निवडणूक निर्णय अधिकारी मंगेशकुमार शहा, एम बी गाढे, तुषार चिंचोले,बाजार समिती सचिव विशाल चौधरी, इजहार शेख,अजित पाटील,योगेश सुर्यवंशी यांनी काम पाहिले. तर निवडीनंतर आमदार एकनाथराव खडसे, अॅड. रोहिणीताई खडसे-खेवलकर यांनी नवनिर्वाचित सभापती उपसभापती आणि संचालकांचा सत्कार केला. यावेळी राष्ट्रवादी विधानसभाक्षेत्र प्रमुख विजय सोनार, बोदवड तालुकाध्यक्ष प्रशांत पाटील ,विनोद तराळ, भागवत टिकारे, रामदास पाटील, निलेश पाटील, गोपाल गंगतिरे, कुऱ्हा सरपंच डॉ.बी.सी. महाजन, दीपक वाणी, प्रदीप बडगुजर, प्रवीण कांडेलकर, विनोद कोळी, माधव पाटील नगरसेवक जफर शेख, नवनिर्वाचित संचालक मंडळ यांच्यासह मोठ्या संख्येने राष्ट्रवादीचे पदाधिकारी व कार्यकर्ते उपस्थित होते.
