जळगाव (प्रतिनिधी) जिल्ह्यातील भुसावळ परिसरात आज सकाळी भूकंपाचे धक्के जाणवले आहेत. निवासी उपजिल्हाधिकारी राहूल पाटील यांनी याबाबतची माहिती दिली आहे. (Earthquake In Bhusawal Area)
भुसावळ परिसरात आज सकाळी साडेदहा वाजेच्या भूकंपाचे धक्के जाणवले आहेत. रिऍक्टर स्केलवर भूकंपाची तीव्रता नेमकी किती होती. भूकंपाचे धक्के भुसावळ, सावदा परिसरात जाणवले आहेत. नाशिक शहरापासून 278 किलोमीटर अंतरावर या भकंपाचा केंद्रबिंदू असल्याचे समजते. त्यामुळे भुसावळ, सावदा परिसरातील नागरिकांमध्ये भीतीचे वातावरण आहे. या भूकंपाचा हतनूर धरणाला कसलाही धोका नसल्याची माहिती देण्यात आली. आज सकाळी 10.35 वा. जळगाव जिल्ह्यातील भुसावळ परिसरात भूकंपाचा सौम्य धक्का बसला आहे. रेक्‍टर स्केलवर ३.३ ऐवढी तिव्रता नोंदली गेली. नागरिकांनी घाबरून न जाता आवश्यक ती काळजी घ्यावी. असे आवाहन अमन मित्तल, जिल्हाधिकारी तथा अध्यक्ष, आपत्ती व्यवस्थापन अधिकारी, जळगाव यांनी केले आहे. (Jalgaon News)
भूकंपादरम्यान काय कराल ?
जर तुम्ही भूकंपाचा धक्का बसत असताना इमारतीच्या आत असाल तर ?.
घरातील सुरक्षित ठिकाणी आसरा घ्या. (उदा. टेबलाखाली, बीमखाली, तुळईखाली, दरवाजाच्या चौकटीखाली, कॉलमजवळ) लिफ्टचा वापर करु नका. दाराजवळ अथवा प्रवेशद्वाराजवळ गर्दी करु नका. स्वतः शांत रहा व इतरांना शांत राहण्यास सांगा. संबंधीत यंत्रणांना त्वरीत कळवा.
जर तुम्ही रस्त्यावर असाल तर ?.
पटकन मोकळ्या जागेत जा, घाई-गडबड, दंगा करु नका. उंच, जुन्या आणि सलग असणाऱ्या इमारतीपासून, भिंती, विजेच्या तागंपासून लांब थांबा.
भूकंपादरम्यान काय करावे ?
जमिनीवर पडा, मजबूत टेबलाखाली आसरा घ्या. जमीन हालणे थांबेपर्यंत त्याला धरुन ठेवा. जर जवळपास टेबल नसेल तर जमिनीवर झोपा, पाय पार्श्वभागावर घ्या, डोके गुडघ्याजवळ घ्या, डोक्याच्या बाजू कोपरांनी झाकून घ्या आणि हात माने भोवती घ्या. तुम्ही एखाद्या जागेच्या आतमध्ये धक्के बसणे बंद होईपर्यंत आतच राहा. भूकंपाचा धक्क्यावेळी बेडरुममध्ये असाल तर उशीच्या सहाय्याने डोके वाचवा.
भूकंपानंतर काय करावे ?
रेडिओ/टि.व्ही. वरुन मिळणाऱ्या आपत्तीविषयक सूचनांचे पालन करा. अफवांवर विश्वास ठेवू नका व पसरवू नका. जुन्या इमारती, नुकसान झालेल्या इमारतीजवळ जाऊ नका व विजेच्या तारा, दगडी भिंतीपासून दूर रहा. पाणी, विज, गॅस कनेक्शन सुरु असल्यास बंद ठेवा. बांधकाम तज्ञांकडून इमारतीची तपासणी करुन ती किती कमजोर झाली याची माहिती घ्या. जर काही व्यक्ती जमिनीची गाडल्या गेले असतील तर घटनास्थळी थांबा व त्यांना बाहेर काढण्यासाठी मदत करा. शोध व बचाव यंत्रणेस तात्काळ कळवा.
