वॉशिंग्टन (वृत्तसंस्था) बहीण-भावाच्या नात्याला काळिमा फासणारी घटना समोर आली आहे. भाऊ आपल्याच बहिणीसोबत शारीरिक संबंध ठेवत होता. मात्र, बहिणीचे दुसऱ्या व्यक्तीसोबतही संबंध असल्याचं कळताच तिची हत्या केली आहे. याप्रकरणी तरुणाला अटक करण्यात आली आहे. ही घटना अमेरिकेतील टेक्सास इथली आहे. या तरुणाचं नाव जोस मॅन्युअल गुजमॅन असं आहे.
एका रिपोर्टनुसार, ३२ वर्षीय जोस मॅनुअल गुजमॅन याला ३ फेब्रुवारीला अमेरिकेच्या टेक्सासमध्ये आपल्या बहिणीला बेसबॉलच्या बॅटने मारल्याच्या आरोपात अटक करण्यात आली होती. आरोपी गुजमॅन ग्वाटेमालामध्ये जन्मला होता. मात्र नंतर टेक्सास येथे शिफ्ट झाला होता. नात्याने भाऊ-बहीण असतानाही दोघं एकमेकांसोबत शारीरिक संबंध ठेवत असत.
हत्येची आईला दिली माहिती
पोलिसांनी सांगितलं की जेव्हा या व्यक्तीला समजलं की त्याच्या बहिणीने त्याच्या मित्रासोबतही संबंध ठेवले आहेत, तेव्हा त्याचा पारा चढला. बहिणीची हत्या करण्याआधी त्याने तिला भरपूर मारहाण केली. बहिणीची हत्या केल्यानंतर आरोपीने या संपूर्ण घटनेबद्दल आपल्या आईला माहिती दिली. आईने लगेचच पोलिसांना या घटनेची माहिती दिली.
बेसबॉलच्या बॅटने मारहाण करत बहिणीही हत्या
पोलीस जेव्हा जोस मॅनुअल गुजमॅनच्या घरी पोहोचले तेव्हा तिथे सगळीकडे रक्तच होतं. आरोपी घटनास्थळावरुन फरार होण्यास यशस्वी ठरला, मात्र पोलिसांनी दुसऱ्याच दिवशी त्याला पकडलं. आरोपीने चौकशीत खुलासा केला, की त्यानेच आपल्या बहिणीची हत्या केली आहे. त्याने सांगितलं की बहिणीने त्याच्या मित्रासोबत संबंध ठेवले होते. यामुळे तो रागात होता. त्याने बेसबॉलच्या बॅटने मारहाण करत आपल्या बहिणीची हत्या केली.
