जळगाव (प्रतिनिधी) मोबाईलवर लिंक पाठवून जळगावात एकाची साडेतीन लाखांत फसवणूक झाल्याची घटना घडली आहे. या प्रकरणी जळगाव एमआयडीसी पोलिसात अज्ञात मोबाईल धारक व्यक्तीविरुद्ध गुन्हा दाखल करण्यात आला आहे.
या संदर्भात अधिक असे की, रिझवान अली लियाकत अली सैय्यद (वय – ४५, व्यापार रा. प्लॉट नं. ०३, नशेमन कॉलनी, जळगाव) यांनी २२ जानेवारी रोजी ई-कार्ड लॉजेस्टीक कंपनीच्या कस्टमर केअर क्र. १८००२०८९८९८ यावर संपर्क केला. त्यावेळी एक मोबाईल धारक (नाव-गाव माहीत नाही) व्यक्तीने त्यांच्या मोबाईलवर लिंक पाठवली. रिझवान सैय्यद यांनी लिंक ओपन केल्यानंतर त्यांच्या बँक खात्यातून ३ लाख ५० हजार रुपये गायब झालेत. या प्रकरणी ई कार्ड लॉजेस्टीक कंपनीवरील मोबाईल नं. ६२०७६८५३४९ वरील मोबाईल धारक (नाव-गाव माहीत नाही) विरुद्ध गुन्हा दाखल करण्यात आला असून पुढील तपास पो.हे.कॉ विजय पाटील हे करीत आहेत.
