जळगाव (प्रतिनिधी) लग्नाचे आमिष दाखवत तरुणीवर बलात्कार करण्याच्या घटना राज्यात दिवसेंदिवस वाढत असल्याचं समोर आलं आहे. जळगावातही असाच एक धक्कादायक प्रकार घडला आहे. तरुणीला लग्नाचे आमिष दाखवत तिच्यावर बलात्कार केला. या प्रकरणी जळगावच्या एमआयडीसी पोलिसात एकाविरुद्ध गुन्हा दाखल करण्यात आला आहे. (Jalgaon Crime News)
जळगावच्या एमआयडीसी पोलिसात पिडीत तरुणीने दिलेल्या फिर्यादीत म्हटले आहे की, श्रीकृष्ण तुकाराम मेंगडे (रा. अयोध्या नगर) याने २३ मार्च २०१७ ते ३० मे २०१९ च्या काळात पिडीते सोबत जबरजस्ती शारिरीक संबंध करुन लग्नाचे आमिष दाखवुन फकवणुक केली. तसेच पिडीतेकडून वेळोवेळी काही ना काही कारणाने पैसे मागून तिची फसवणुक केली. या प्रकरणी गुन्हा दाखल करण्यात आला असून पुढील तपास पो.उप.निरी गोपाल देशमुख हे करीत आहेत.
