नवी दिल्ली (वृत्तसंस्था) दहावीचा निकाल केंद्रीय माध्यमिक शिक्षण मंडळाने जाहीर केला आहे. हा निकाल विद्यार्थी अधिकृत वेबसाइटला भेट देऊन निकाल पाहू शकतात. या वर्षी ९९.०४ टक्के विद्यार्थी उत्तीर्ण झाले आहेत.
CBSE ने जारी केलेल्या आकडेवारीप्रमाणे, ५७ हजार विद्यार्थ्यांना ९५% पेक्षा अधिक गुण मिळाले आहेत. तर २ लाख विद्यार्थ्यांनी ९० ते ९५% स्कोअर केले आहे. दहावीच्या परीक्षांसाठी एकूण २१ लाख १३ हजार ७६७ विद्यार्थ्यांनी नोंदणी केली होती. त्यापैकी २० लाख ९७ हजार १२८ विद्यार्थ्यांचे निकाल जारी करण्यात आले. तर १६ हजार ६३९ विद्यार्थ्यांचे निकाल अद्याप तयार नाहीत. त्यांचे निकाल जारी करण्यासाठी लवकरच तारीख जाहीर केली जाणार आहे.
असा पाहाल निकाल
सर्वात आधी CBSE चे अधिकृत संकेतस्थळ cbseresults.nic.in ला भेट द्या
या ठिकाणी होम पेजवर १० वी CBSE Results 2021 लिंकवर क्लिक करा
आता नवीन पेज ओपन झाल्यावर विद्यार्थ्यांनी लॉग इन करावे
लॉग इन केल्यानंतर आपला निकाल स्क्रीनवर दिसून येईल
रिझल्ट पाहिल्यानंतर त्याची प्रिंट सुद्धा काढता येईल
दहावीचा निकाल कसा तयार करण्यात आला?
निकालासाठी २० + ८० चे सूत्र तयार केले गेले आहे. प्रत्येक विषयात जास्तीत जास्त १०० गुणांचे मूल्यांकन केले जाईल, त्यापैकी २० गुण पूर्वीच्या आतील मूल्यांकन असतील. याशिवाय उर्वरित ८० गुण नव्या पॉलिसीच्या आधारे दिले जातील. इयत्ता दहावीच्या विद्यार्थ्यांसाठी या ८० गुणांची तीन भागात विभागणी करण्यात आली आहे. यापैकी १० गुण वेळोवेळी घेण्यात आलेले युनिट परीक्षेचे आहेत, ३० मध्यावधी परीक्षेसाठी आणि २० प्रीबोर्ड परीक्षेसाठी आहेत.
उमंग App, SMS च्या माध्यमातूनही पाहता येईल निकाल
विद्यार्थ्यांना उमंग App आणि SMS च्या माध्यमातून आपला निकाल पाहता येणार आहे. यासाठी त्यांना हे App डाउनलोड करून त्या ठिकाणी दिलेले CBSE निवडून लॉग इन करावे लागेल. यासोबत SMS च्या माध्यमातूनही निकाल पाहता येणार आहे. यासाठी CBSE10 < ROLLNUMBER > < ADMITCARDID > टाइप करून0 7738299899 या क्रमांकावर SMS पाठवावे लागेल.
डिजीलॉकरच्या माध्यमातून मिळणार गुणपत्रिका
या वर्षी विद्यार्थ्यांना आपले निकाल डिजीलॉकरच्या माध्यमातून डिजिटल पद्धतीने दिले जाणार आहेत. यासाठी digilocker.gov.in येथून डिजीलॉकरमध्ये लॉग इन करावे लागेल. विद्यार्थ्यांना याचे आयडी आणि इतर महत्वाच्या बाबी आधीच SMS करण्यात आल्या आहेत. येथून विद्यार्थ्यांना आपल्या गुणपत्रिका डाउनलोड करून घेता येतील.
