चाळीसगाव प्रतिनिधी | तालुक्यातील कळवाडी रस्त्यावर भरधाव अर्टिगा आणि रुग्णवाहिकेचा भीषण अपघात झाला. नाशिक येथे उपचारासाठी नेत असताना रुग्णवाहिकेतील अपघाग्रस्त युवकाचा यात मृत्यू झाला. तर अन्य २ जण जखमी झाले आहेत. ही घटना शुक्रवारी सायंकाळी घडली. घटनेची पोलीस स्टेशनला नोंद करण्यात आली आहे. ह.भ.प. ज्ञानेश्वर हरी बच्छे (वय २७, रा. सायगाव बगळी ता. चाळीसगाव), असे मयत तरुणाचे नाव आहे.
याबाबत अधिक माहिती अशी की ज्ञानेश्वर बच्छे हा तरुण चाळीसगाव तालुक्यातील सायगाव येथील रहिवासी होता. तो भजनी मंडळामध्ये वादक म्हणून कामाला होता. बच्छे यांच्या पश्चात पत्नी, दोन मुली, आई, भाऊ असा परिवार आहे. ज्ञानेश्वर यांचा काही दिवस आधी दुचाकीचा अपघात झाला होता. त्यांच्यावर नाशिक येथे उपचार करण्यात आले होते. त्याच्यावर उपचार सुरू असताना त्याचे प्रकृती खालावली. त्यानंतर पुढील उपचारासाठी नाशिक येथे रुग्णवाहिकेने नेत असताना शुक्रवारी ल ९ ऑगस्ट रोजी सायंकाळी कळवाडी फाट्याजवळ एर्टिगा कारसह भीषण धडक झाली.
त्यात ज्ञानेश्वर बच्छे यांचा मृत्यू झाला, तर अन्य दोनजण जखमी झाले आहेत. बच्छे हे सायगाव परिसरातील भजनी मंडळात वादक म्हणून काम करत होते. काही दिवस आधी दुचाकी अपघातानंतर तातडीने बच्छे यांना नाशिक येथे दाखल करण्यात आले होते. त्यावेळी त्यांच्यावर शस्त्रक्रियादेखील करण्यात आली होती. पुन्हा त्यांचे प्रकृती खालावल्याने त्यांना उपचारासाठी दाखल करण्यात आले होते परंतु यात त्यांचा मृत्यू झाला.
