जळगाव (प्रतिनिधी) ‘मुख्यमंत्री लाडकी बहिण’ योजनेसाठी मुख्यमंत्री एकनाथ शिंदे हे आज मंगळवार १३ ऑगस्ट रोजी जळगाव जिल्हा दौऱ्यावर येत असून यासाठी प्रशासनाकडून जय्यत तयारी करण्यात आली असुन आज पालकमंत्री गुलाबराव पाटील यांनी सागर पार्क येथे भेट देवून कार्यक्रम स्थळाचा आढावा घेतला. दरम्यान या कार्यक्रमास ४० हजार महिला उपस्थित राहणार असल्याचे पालकमंत्री यांनी सांगितले.
मुख्यमंत्री आज दुपारी २.३० वाजता जळगाव विमानतळ येथे आगमन व मोटारीने सागर पार्क जळगावकडे रवाना होणार आहे. दुपारी ३ वाजता ते सायंकाळी ५ वाजेपर्यंत महिला सशक्तीकरण अभियाना अंतर्गत ‘मुख्यमंत्री माझी लाडकी बहीण योजना’ कार्यक्रमासाठी सागर पार्क, येथे आगमन होईल. सायंकाळी ५.१५ वाजता मोटारीने जळगाव विमानतळाकडे प्रयाण, सायं ५.३० वाजता जळगावहून मुंबईकडे रवाना होतील.
या कार्यक्र मास उपमुख्यमंत्री देवेंद्र फडणवीस, उपमुख्यमंत्री अजित पवार, कें द्रीय क्रीडा राज्यमंत्री रक्षा खडसे, ग्राम विकास मंत्री गिरीश महाजन, मदत व पुनर्वसन मंत्री अनिल पाटील, जिल्ह्यातील खासदार, आमदार हे सर्वजण उपस्थित राहणार आहे. सागर पार्कवर होणार असलेल्या कार्यक्रमाची तयारी सुरु असून त्याची पाहणी पालकमंत्री गुलाबराव पाटील यांनी केली. या कार्यक्रमाला जवळपास ४० हजार बहिणीसह इतर जिल्ह्यातील लोक, सरपंच उपस्थित राहतील. त्या दृष्टीने तयारी करण्यात आल्याची माहिती दिली.
