चोपडा (प्रतिनिधी) चोपडा ग्रामीण पोलिसांनी शेतात लावलेली गांजाची शेती उधळून लावली आहे. दरम्यान, पोलिसांनी यावेळी तब्बल किंमत ३१ लाख ८० हजार रुपयांचा माल जप्त केला आहे.
चोपडा ग्रामीण पोलिसांना मिळालेल्या गुप्त माहितीनुसार तालुक्यातील उत्तमनगर येथील रहिवासी रवी किलाऱ्या पावरा(२५) याच्या तुरीच्या शेतातमध्ये गांजाची शेती केल्याची माहिती मिळाली. त्यानुसार ग्रामीण पोलिसांनी शेतात धाड टाकत शेतातून जवळपास 795 किलोग्रॅम असा तब्बल दोन ट्रॅक्टर ओला गांजा जमा केल्याची कारवाई दि २४ रोजी संध्याकाळी ५ वाजेच्या सुमारास केली. याप्रकरणी पोलिसांनी अल्पवयीन मुलाला ताब्यात घेतले आहे. जमा केलेल्या जवळपास 795 किलोग्रॅम ओल्या गांजाची किंमत 31 लाख 80 हजार रुपयांचा माल जप्त करण्यात आला आहे.
तालुक्यातील उत्तम नगर येथील रवी किलाऱ्या पावरा (२५) याने तुरीच्या शेतात आंतरपीक म्हणून गांजाची लागवड केली, असल्याची गुप्त माहिती ग्रामीण पोलिसांना दुपारी तीन वाजेच्या सुमारास मिळाली. त्याआधारावर ग्रामीण पोलिसांनी सापळा रचत शेतात दुपारी ४.३० वाजेच्या सुमारास धाड टाकली. यात तुरीच्या शेतामध्ये आंतरपीक असलेले ओली गांजाची झाडे कापून सुमारे 795 वजन असलेला दोन ट्रॅक्टर गांजावर पोलिसांनी कारवाई करत मुद्देमाल जमा केला.
यानंतर नायब तहसिलदार सचिन बांबळे यांनी पंचनामा केला. तर सरकारी पंच म्हणून कनिष्ठ अभियंता बालाजी दहीफळे उपस्थित होते. सदर कारवाईच्या दरम्यान रवी किलाऱ्या पावरा फरार झाला असून त्याचा अल्पवयीन भाऊला पोलिसांनी ताब्यात घेतला आहे. सदर कारवाई पोलीस उपअधीक्षक सुनील नंदवालकर,ग्रामीण पोलीस निरीक्षक कावेरी कमलाकर,सहा फौ. देविदास ईशी,पोहेकॉ राकेश पाटील,किरण पाटील,पोकॉ रावसाहेब पाटील,प्रमोद पारधी, विशाल जाधव,दिलीप पाटील आदींनी केली आहे. गुन्हा दाखल करण्याचे काम रात्री उशिरापर्यंत सुरू होते.
