चोपडा (प्रतिनिधी) 21 जून आंतरराष्ट्रीय योग दिनाच्या निमित्ताने पंकज शैक्षणिक व सामाजिक संस्था संचलित विविध शैक्षणिक विभागाचा संयुक्तपणे आंतरराष्ट्रीय योग दिवस साजरा करण्यात आला. या प्रसंगी संस्थेचे उपाध्यक्ष अविनाश राणे, पंचायत समिती शिक्षण विभागाचे गट शिक्षणाधिकारी अविनाश पाटील, निमगव्हाण केंद्राचे केंद्रप्रमुख दिपक पाटील, मुख्याध्यापक. एम. व्ही. पाटील, मुख्याध्यापक व्ही. आर. पाटील, पंकज महाविदयालयाचे प्राचार्य. डॉ. आर. आर. अत्तरदे, पंकज इंग्लिश मेडियम स्कुलचे प्राचार्य नितीन माळी, पंकज बालसंस्कार केंद्र प्रमुख रेखाताई पाटील तसेच सर्व विभागातील शिक्षक बंधू व भगिनी तसेच सर्व विभागातील सर्व विद्यार्थी मित्र योग अभ्यास कार्यक्रमास उपस्थित होते.
सदरील योगदिना साठी विद्यालयातील योगशिक्षिका गायत्री पाटील यांनी योग व प्राणायमाचे महत्त्व विशद करुन विविध आसने घेतली. ताडासन, भुजंगासन, पद्मासन, गोमुखासन, कपालभाती, भंम्ररी, मंकरासन, शवासन, वृक्षासन, धनुरासन, प्राणायाम आदी आसन बाबत प्रात्यक्षिक केले आणि आसनाविषयी असलेली माहिती दिली. याप्रसंगी उपस्थित मान्यवरांचा सत्कार संस्थेच्या वतीने करण्यात आला. योग दिवस निमित्त शुभेच्छा देतांना मा. गटशिक्षणाधिकारी अविनाश पाटील यांनी मानवी जीवनातील योगाचे महत्व सांगितले. तसेच आपले आरोग्य उत्तम राहण्यासाठी आपण नियमितपणे योग व प्राणायम केला पाहिजे.,असा संदेश त्यांनी विदयार्थ्यांना दिला. कार्यक्रमाचे सुत्रसंचालन योगेश चौधरी सरांनी केले. सदरील कार्यक्रम यशस्वी होण्यासाठी शिक्षक बंधू व शिक्षकेत्तर बंधूचे सहकार्य लाभले.
