मुंबई (वृत्तसंस्था) प्रसिद्ध कोरिओग्राफर आणि चित्रपट दिग्दर्शक रेमो डिसूझा यांना आज दुपारी हृदयविकाराचा झटका आला. त्यांना मुंबईतील कोकिलाबेन धीरूभाई रुग्णालयात दाखल करण्यात आले आहे. नृत्यदिग्दर्शक अहमद खान यांनी एबीपी न्यूजच्या वृत्ताला दुजोरा दिला आहे.
प्रसिद्ध कोरिओग्राफर आणि दिग्दर्शक रेमो डिसूझा यांना हृदयविकाराचा झटका आल्याने कोकिलाबेन रुग्णायलात दाखल करण्यात आलं आहे. मुंबईच्या या रुग्णालयातील अतिदक्षता विभागात त्यांना दाखल करण्यात आलं होतं. मिळालेल्या माहितीनुसार रेमो डिसूझा यांची एंजिओप्लास्टी सर्जरी करण्यात आली आहे आणि त्यांची प्रकृती सध्या स्थीर आहे. त्यांची पत्नी लिझेल यावेळी त्यांच्याबरोबर आहे. रेमो डिसूझा यांना हृदयविकाराचा झटका आल्याची बातमी समोर येताच त्यांच्या चाहत्यांना मोठा धक्का बसला आहे. रेमो यांची प्रकृती लवकरात लवकर ठीक व्हावी याकरता चाहत्यांकडून प्रार्थना केली जात आहे. सोशल मीडियावरही त्यांच्या प्रकृती स्वास्थ्याबाबत प्रार्थना केली जात आहे. ‘रेस ३’, ‘ABCD’ या चित्रपटांसाठी प्रसिद्ध असणाऱ्या या ४६ वर्षीय दिग्दर्शक, डान्सर आणि कोरिओग्राफर रेमो डिसूझा यांचे अनेक चाहते आहेत. बॉलिवूडमध्ये त्यांनी डान्समध्ये विविध यशस्वी प्रयोग केले आहेत. सध्या त्यांना रुग्णालयात दाखल केलं असल्याने चाहत्यांमध्ये चिंतेचं वातावरण आहे. त्यांची पत्नी लिझेल रेमो यांच्याबरोबर आहे. लिझेल यांनी काही तासांपूर्वीच इन्स्टाग्राम स्टोरीवर रेमो यांच्याबरोबर एक फोटो शेअर केला होता.
रेमो डिसूझा यांचा जन्म २ एप्रिल १९७२ रोजी कर्नाटकच्या बेंगळुरू येथे झाला. रमेश यादव असे त्याचे खरे नाव आहे. त्यांच्या वडिलांचे नाव गोपी नायक आहे, रेमो डिसूझा यांनी गुजरातमधील जामनगर येथून शिक्षण घेतले. शाळेच्या दिवसांत तो खूप चांगले खेळाडू होते. त्यावेळी त्यांना अनेक मोठे पुरस्कारही मिळाले होते. डिझाइनर असलेल्या लीजेलशी त्याचे लग्न झाले आहे. त्यांना ध्रुव आणि गबिरिल हे दोन मुलगे देखील आहेत.
