मुंबई (वृत्तसंस्था) मुंबई महानगरपालिका पालिका येथील स्पेशल संगीत शिक्षिका छाया भानुदास साखरे यांना नुकताच “लिजेंड दादासाहेब फाळके अवार्ड” ने सन्मानित करण्यात आले आहे. तसेच बॉलीवुड प्लेबॅक सिंगर आणि क्लासिकल सिंगर म्हणून नामांकन जाहीर झाले आहे.
प्रसिद्ध संगितकार अनु मलिक, कलावंत सुमन तलवार, (अवार्ड फंक्शनचे स्पेशल गेस्ट), प्रसिद्ध भजनसम्राट गुरुपद्मश्री अनुप जलोटा, कलावंत मुकेश रीशी, गंजेंद्र चोहान, सिद्धार्थ निगम, अरुण बक्शी, समाजसेवक अनिल मुरारकाजी इतर आदरणीय कलाकारांच्या उपस्थितीत. तसेच दादासाहेब फाळके यांचे नातु चंद्रशेखर पुसाळकर आणि साउथ ईंडीयन कलाकार सुमन तलवार यांच्या हस्ते बॉलिवुड प्लॅबॅक सिंगर छाया साखरे यांना नुकतेच “लिजेंडदादासाहेब फाळके अवार्ड” ने सन्मानित करण्यात आले आहे. छाया साखरे गेल्या अनेक वर्षात मुंबईत राहुन कला- साहित्यिक क्षेत्रात, सामाजिक क्षेत्रात गरीब होतकरु प्रतिभावान मुलांना पुढे नेण्यासाठी सतत प्रयत्नशील असतात. अनेक नवनविन उपक्रम त्यांनी राबविले आहेत.
आजपर्यंत छाया साखरे यांना अनेक राज्यस्तरीय, राष्ट्रीय पुरस्कारने तसेच आंतरराष्ट्रीय आणि जागतिक दर्जाच्या पुरस्काराने सन्मानित केले आहे. त्यामुळे आदर्श स्त्रीशक्ती म्हणून त्यांची ओळख आहे. छाया साखरे यांना मिळालेल्या पुरस्कारांबद्दल शास्त्रीय गायिका विदुषी,पद्मभूषण डॉ.प्रभा अत्रेजी आणि पद्मश्री अनुप जलोटा यांनी कौतुक केले आणि पुढील वाटचालीसाठी शुभाशिर्वाद दिले. या प्रसंगी छाया साखरे यांनी सांगितले की, हा पुरस्कार माझा एकट्याचा नसुन माझे कुटुंब, मित्रपरिवार आणि माझ्या सर्व विद्यार्थींचा आहे.
