नाशिक (वृत्तसंस्था) आमदार देवयानी फरांदे यांच्या सख्खया भावाला लाच स्वीकारताना आज लाचलुचपत प्रतिबंधक विभागाच्या पथकाने अटक केली आहे. तसेच फरांदे यांच्या भावाच्या विरोधात अनेक तक्रारी दाखल आहेत.
याबाबत वृत्त असे की, नाशिक महापालिकेच्या घरपट्टी व पाणीपट्टी विभागात काम करणारे लिपिक संजय वनारसीभाई पटेल (वय ४५) यांच्याविरोधात अनेक तक्रारी लाचलुचपत प्रतिबंधक विभाग, नाशिककडे प्राप्त झाल्या होत्या. तक्रारदाराने सुद्धा लाचलुचपत प्रतिबंधक विभागाकडे तक्रार केली होती. त्यानुसार लाचलुचपत प्रतिबंधक विभागाच्या पथकाने शहानिशा करून शुक्रवारी (दि.२) सापळा रचला. पथकाने त्यांना तक्रादाराकडून लाच स्वीकारताना अटक केली. विशेष म्हणजे, संजय पटेल हे आमदार देवयानी फरांदे यांचे सख्ख्ये भाऊ आहेत. याप्रकरणी पुढील कारवाई लाचलुचपत प्रतिबंधक विभागाकडून चालू आहे.
