मुंबई (वृत्तसंस्था) महागाईमुळे होरपळ झालेल्या सर्वसामान्यांना काहीसा दिलासा देणारे वृत्त आहे. मे २०२२ मध्ये किरकोळ महागाई (Retail Inflation) दरात घट नोंदवलेली आहे. मे २०२२ मध्ये किरकोळ महागाई दर ७.०४ टक्के इतका आहे. एप्रिलमध्ये हा दर ७.७९ टक्के इतका होता.
आरबीआयचं पतधोरण आणि सरकारे इंधनाच्या दरामध्ये केलेली कपात याचा परिणाम महागाई दर नियंत्रणात ठेवण्यासाठी होतो आहे असं जाणकारांचे मत आहे. नॅशनल स्टॅटिस्टिकल ऑफिस ने जाहीर केलेल्या आकडेवारीनुसार, एप्रिलमध्ये ग्राहक किंमत निर्देशांक आधारित महागाई दर ७.७९ टक्के होता. गेल्या वर्षी मे महिन्यात किरकोळ महागाई ६.३ टक्के होती. एप्रिलमधील ८.३१ टक्क्यांच्या तुलनेत मे महिन्यात अन्नधान्य महागाई दर ७.७९ टक्के होता. या महिन्यात पतधोरण आढाव्यात, रिझर्व्ह बँकेने चालू आर्थिक वर्षातील महागाईचा अंदाज ५.७ टक्क्यांवरून ६.७ टक्क्यांवर नेला आहे. चलनविषयक धोरणाचा विचार करताना केंद्रीय बँक प्रामुख्याने किरकोळ चलनवाढीचा विचार केला होता.
रेपो दर ३६ दिवसांत दोनदा वाढला
महागाई नियंत्रणात ठेवण्यासाठी रिझर्व्ह बँकेने महिन्याभरात व्याजदरात सुमारे १ टक्क्यांनी वाढ केली आहे. खरं तर, ८ जून २०२२ रोजी, गव्हर्नर शक्तीकांत दास यांनी रेपो दरात ५० बेस पॉईंट्सची वाढ जाहीर केली आणि तो ४.४० टक्क्यांवरून ४.९० टक्के केला. यापूर्वी, ४ मे २०२२ रोजी मध्यवर्ती बँकेने रेपो दर ४.०० टक्क्यांवरून ४.४० टक्क्यांनी वाढवून ४० बेस पॉईंट्स केला होता.
