जळगाव (प्रतिनिधी) शहरातील एका बांधकाम मजुराने गळफास घेऊन आत्महत्या केल्याचा प्रकार बुधवारी सायंकाळी पिंप्राळा परिसरातील उघडकीस आला. प्रदीप सदाशिव महाजन (वय-३२, रा. संत मिराबाई नगर पिंप्राळा) असे आत्महत्या केलेल्या व्यक्तीचे नाव आहे.
प्रदीप महाजन हे कामाच्या निमित्ताने मागील काही वर्षापासून जळगावला राहायला आले होते. दरम्यान, दिवाळीनिमित्त पत्नी माहेरी गेलेली असल्यामुळे प्रदीप महाजन हे घरात एकटे होते. बुधवारी सायंकाळी ७ वाजेच्या सुमारास त्यांनी घरात गळफास घेवून आत्महत्या केली. आत्महत्येची घटना शेजारच्यांच्या लक्षात आल्यानंतर त्यांनी पोलिसांना संपर्क केला. रामानंदनगर पोलीस ठाण्याचे पोलीसांनी घटनास्थळी धाव घेवून मृतेदहाचा पंचनामा केला. याप्रकरणी रामानंदनगर पोलीस ठाण्यात अकस्मात मृत्यूची नोंद करण्यात आली असून पुढील तपास पो.कॉ. शिवाजी धुमाळ करीत आहे. दरम्यान, आत्महत्येचे नेमकं कारण अद्याप समजू शकलेले नाही.
