जळगाव (प्रतिनिधी) जिल्ह्यातील चोपडा, पाचोरा व भडगाव तालुक्यात आता कोरोनाचा संसर्ग वाढीस लागला आहे. या पार्श्वभूमीवर कोरोनाचा प्रादुर्भाव रोखण्यासाठी २० व २१ मार्च असे दोन दिवस चोपडा, पाचोरा व भडगाव नगरपालिका हद्दीत निर्बंध लागू करण्यात आले आहे. चोपडा उपविभागीय दंडाधिकारी सुमित शिंदे व पाचोरा उपविभागीय दंडाधिकारी राजेंद्र कचरे यांनी असे आदेश आज काढले.
सदर आदेश हा स्टोअर्स,अम्ब्युलन्स सेवा, पाणीपुरवठा व स्वच्छता विभागातील अधिकारी कर्मचारी, आपत्ती व्यवस्थापनाशी संबंधीत घटक तसेच दि. २१ मार्च २०२१ या दिवशी महाराष्ट्र राज्य लोकसेवा आयोगाच्या राज्यसेवा पूर्व परीक्षेसाठी जाणारे परीक्षार्थी तसेच या परीक्षेसाठी सेवा वर्ग अधिकारी कर्मचारी यांना लागू असणार नाही. दरम्यान नियमांचे पालन न करणाऱ्यांवर कायदेशीर कारवाई करण्याचे आदेश देण्यात आले आहे.
चोपडा तालुका क्षेत्रात, पाचोरा व भडगाव नगरपालिका क्षेत्रात निर्बंध याप्रमाणे राहतील
सर्व बाजारपेठ, आठवडी बाजार, किराणा दुकाने इतर सर्व दुकाने, किरकोळ भाजीपाला, फळ खरेदी विक्री केंद्र, शैक्षणिक संस्था, शाळा, महाविद्यालय, खासगी कार्यालय, सभा, मेळावे, बैठका, धार्मिक स्थळे, सांस्कृतीक, धार्मीक व तत्सम कार्यक्रम, शॉपींग मॉल्स, मार्केट, बार्बर शॉप, स्पा, सलुन, लिकर शॉप, गार्डन, पार्क, बगीचे, सिनेमागृह, व्यायामशाळा, जलतरण तलाव, प्रेक्षणगृहे, क्रिडा स्पर्धा, प्रदर्शने, मेळावे, संमेलने, पानटपरी, हातगाड्या, उघड्यावर खाद्यपदार्थ विक्रीचे ठिकाणे बंद राहतील.
