जळगाव (प्रतिनिधी) – मित्राचे भांडण सोडविण्यासाठी गेलेल्या तिघांवर धारदार चाकूने वार करीत गंभीर जखमी केले. ही घटना दि. २१ ऑक्टोंबर रोजी रात्री दीड वाजेच्या सुमारास वाघ नगरातील दत्त मंदिराजवळ घडली. याप्रकरणी तिघांविरुद्ध तालुका पोलिसात गुन्हा दाखल करण्यात आला आहे.
शहरातील राजीव गांधी नगरात राहणारा निखील लक्ष्मण हातागळे (वय २४) हा तरुण त्याचा मित्र तेजस लोंढे व गिरीश लोंढे यांच्यासोबत दि. २१ ऑक्टोंबर रोजी रात्री दीड वाजेच्या सुमारास वाघ नगर परिसरात त्याच्या मित्राने भांडण सोडविण्यसाठी गेला होता. यावेळी तिघांनी त्याला शिवीगाळ करीत चापटा बुक्क्यांनी मारहाण केली. यावेळी रोहीत नाथ याने तेजस लोंढे यांच्या मांडीत चाकू खुपसून गंभीर जखमी केले. तर शुभम ठाकुर याने पुन्हा गल्लीत दिसले तर तुम्हाला जीवंत मारुन टाकू अशी धमकी देखील दिली. दरम्यान, जखमींनी दिलेल्या तक्रारीवरुन शुभम उर्फ पेट्या ठाकूर, रोहीत नाथ व पियुष इंगळे (सर्व रा. वाघनगर) यांच्याविरुद्ध गुन्हा दाखल करण्यात आला आहे. तपास पोहेकॉ अविनाश देवरे हे करीत आहे
