जळगाव (प्रतिनिधी) कोरोनाची रुग्णसंख्या एप्रिल २०२१ ते आजपावेतो नियंत्रणात आहे. त्या अनुषंगाने संबंधित यंत्रणेने मोहाडी रुग्णालयात कुशल व अकुशल कामगारांची गरज नसताना वर्ग ३ व ४ ची पदभरती केली. यात संबंधित यंत्रणेतील जिल्हा शल्य चिकित्सक डॉ. किरण मुरलीधर पाटील, महाराष्ट्र विकास गृप कंपनीने त्यांच्या स्तरावर नेमलेले द्वितीय कंत्राटदार बापू पाटील व इतर अधिकारी तसेच कर्मचाऱ्यांनी संगनमताने लाखो रुपयांची देयके मनुष्यबळ पुरविण्याच्या नावाखाली शासनाकडून लुटले आहेत. याची चौकशी करावी, अशी लेखी तक्रार दिनेश भोळे यांनी जिल्हाधिकारी, संचालक आरोग्य सेवा व मुख्यमंत्र्यांकडे केली आहे.
दिनेश भोळे यांनी तक्रारीत असे म्हटले आहे, गरज नसतांना डॉ. किरण पाटील व सब ठेकेदार बापू पाटील यांनी संगनमताने मोहाडी रुग्णालयात ४७ कर्मचाऱ्यांची भरती केली. त्याबाबत जिल्हा अशी मागणी त्यांनी केली आहे. शल्य चिकित्सक कार्यालयाकडे दि. १७ मे २०२२ रोजी माहिती अधिकारात संबंधित कंपनीची महिती मागविली असता कुठलीही माहिती उपलब्ध करून दिलेली नाही. उलट संबंधित कंपनीने माहिती अधिकाराचे समजताच ४७ पैकी २३ कर्मचाऱ्यांना कार्यमुक्त करुन जिल्हा शल्य चिकित्सकांना कळविले. तरी आपण तात्काळ स्त्री रुग्णालय मोहाडी येथील कोविड सेंटर बंद करावे. या ठिकाणी नियुक्तीस असलेल्या डॉक्टरांचा खाजगी व्यवसाय सुरू असून रुग्णालयात ते गैरहजर असतात. याठिकाणी नियुक्तीस असलेले परिचारिका व इतर कर्मचारी फक्त कागदावरच नियुक्तीस असून या ठिकाणी आढळून येत नाही. सदरील कोविड सेंटर तात्काळ बंद करून गैरप्रकाराला आळा घालावा. तरी तरी सदरील कंपनीला अनधिकृतपणे देयके अदा केल्याप्रकरणी जिल्हा शल्य चिकित्सक व इतर दोषींची करुन उच्चस्तरीय चौकशी करुन देयकांच्या रकमा वसूली कराव्यात.
