जळगाव (प्रतिनिधी) घरगुती गॅस व्यवसायिक हंडीमध्ये भरून काळाबाजार करणाऱ्या तरुणावर एमआयडीसी पोलिसांत गुन्हा दाखल करण्यात आला. कारवाई दरम्यान पोलिसांनी त्यांच्या ताब्यातून २५ हजार रुपये किमतीचे साहित्य जप्त केले आहे.
जळगाव तोल काटया समोर परिसरात बेकायदेशीररित्या आपल्या कब्जात जिवनावश्यक घरगुती वापराचे एल.पी.जी. गॅस सिलेंडर मधील गॅस हा बेकायदेशीररित्या व्यवसाईक वापराच्या मोठ्या (कमर्शियल सिलेंडर) हंडीमध्ये भरत असल्याची गुप्त माहिती स्थानिक गुन्हे शाखेचे वरिष्ठ पोलीस निरीक्षक किसनराव नजन पाटील यांना मिळाली होती. त्यानुसार गुन्हे शोध पथकाने माहितीची खात्री करुन छापा टाकत इमरान शेख समद (वय 38 .रा.रथ चौक जळगाव) याला अटक केली आहे. त्याच्याकडून घरगुती वापराचे 4 सिलेंडर तसेच कमर्शीयल वापराचे 6 सिलेंडर अवैधरित्या गॅस भरण्यासाठी लागणारे ईलेक्ट्रीक मोटार ,पंप गॅस नळया ,ईलेक्ट्रीक वजनकाटा वैगेरे असा एकूण २५ हजार ७०० रूपये किंमतीचा मुद्देमाल हस्तगत करण्यात आला आहे.
या प्रकरणी एमआयडीसी पोलिस ठाण्यात पो.ना. नितीन बाविस्कर यांच्या फिर्यादीवरून इमरान शेख समद याच्याविरुद्ध गुन्हा दाखल झाला आहे. पुढील तपास एलसीबीचे वरिष्ठ पोलीस निरीक्षक किसनराव नजन पाटील यांच्या मार्गदर्शनाखाली कर्मचारी करीत आहेत. स्थानिक गुन्हे शाखेचे Psi देवडे, पो.हे.कॉ महेश महाजन, पो.ना.नितीन बाविस्कर, पो.ना. अविनाश देवरे, जितेंद्र पाटील यांनी एमआयडीसी पोलिसांच्या सोबत ही कारवाई केली आहे.
