पारोळा (प्रतिनिधी) येथील जगमोहनदास नगर व वर्धमान नगरातील घरातून ३ लाख ७३ हजार ३५० रुपयांचे सोन्या चांदीचे दागिने लांबविल्याची घटना समोर आली आहे. याप्रकरणी पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात सुनीता रवींद्र पाटील (वय ५२, रा. जगमोहनदास नगर पारोळा) यांनी दिलेल्या फिर्यादीनुसार, दि. 4 एप्रिल 2022 रोजी दुपारी 03.30 ते 05.30 वा चे दरम्यान त्यांच्या घरातील वरील वर्णनाचे व किंमतीचे सोन्या चांदीचे दागीने तसेच प्रकाश नामदेव पाटील (रा. वर्धमान नगर) यांच्या घरातील वरील वर्णानाचे व किंमतीचे सोन्या चांदीचे दागीने असे एकुण 3,73,350 रु किं. चे सोन्या चांदीचे दागीने कुणीतरी अज्ञात चोरट्याने घराचे बंद दरवाज्याचे कडी-कोंडा तोडून आत प्रवेश करुन घरफोडी केली आहे. याप्रकरणी पारोळा पोलीस ठाण्यात अज्ञात चोरट्याविरुद्ध गुन्हा दाखल करण्यात आला असून पुढील तपास स.पो.नि रविद्र बागुल करीत आहेत.
