पाळधी ता. धरणगाव (प्रतिनिधी) तालुक्यातील बांभोरी शिवारातील एका घरातून चोरट्याने रोख रक्कमेसह सोन्याच्या चांदीचे दागिने, असा एकूण ३ लाख ९८ हजार ५०० रुपयांचा मुद्देमाल चोरी केल्याची घटना समोर आली आहे. याप्रकरणी धरणगाव पोलीस स्टेशन अंतर्गत पाळधी दूरक्षेत्रात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात रविंद्र पांडुरंग गायकवाड (वय ५१, रा. कवियत्री बहिणाबाई चौधरी उत्तर महाराष्ट्र विद्यापीठ कर्मचारी निवासस्थान गट नं १७६ बांभोरी शिवार पाळधी ता. धरणगाव) यांनी दिलेल्या फिर्यादीनुसार, दि. २४ मे २०२२ रोजी रात्री ११ वाजेच्या सुमारास अज्ञात चोरट्याने फिर्यादीच्या राहत्या घराच्या मागील बेडरुमच्या लाकडी दरवाजा कडी कोंडा तोडून आत प्रवेश करून ३ लाख ८९ हजार रुपये किंमतीचे सोने चांदीचे दागिने व ९ हजार ५०० रुपयाची रोकड कपाटातून लंपास करण्यात आले. याप्रकरणी धरणगाव पोलीस स्टेशन अंतर्गत पाळधी दूरक्षेत्रात अज्ञात चोरट्याविरुद्ध गुन्हा दाखल करण्यात आला असून पुढील तपास सपोनि गणेश बुवा हे करीत आहेत.
