धरणगाव (प्रतिनिधी) चोपडा ते धरणगाव रोडवर एकाची गाडी अडवून धाडसी दरोडा टाकत ७ हजार २०० रुपये लंपास केल्याची घटना उघडकीस आली आहे. तसेच वाहन चालकासह एकाला मारहाण करून वाहनाचेही नुकसान केले आहे. याप्रकरणी धरणगाव पोलीस स्थानकात भैय्या माळी (पेंटर) व इतर १० ते १५ इसमाविरुद्ध गुन्हा दाखल करण्यात आला आहे.
यासंदर्भात मेहुल सुनिल शिरसाठ (वय २४, रा. धनगर गल्ली चोपडा) यांनी दिलेल्या फिर्यादीनुसार, दि. ९ मे २०२२ रोजी सकाळी ५.३० वाजेच्या सुमारास भैय्या माळी (पेंटर) व इतर १० ते १५ इसम यांनी मेहुल शिरसाठ यांच्या मालकीची अशोक लेलँड कंपनिची गाडी क्रमांक (MH-१९-CY-६९८४) हिच्यात अशोक सुदाम मिस्तरी यांचे मालकीचे ४ बैल भरुन नेरी ता. जामनेर येथील बाजारात विक्रीसाठी घेउन जात होते. चोपडा ते धरणगाव रोडवर साळवा ता. धरणगाव फाट्याजवळ मेहुल यांच्या वाहनाचा पुढे वाहन आडवे करुन त्यातील १० ते १२ ईसमांनी मेहुल यांना तोंडावर, पाठीवर पोटावर व छातीवर मारहाण केली. तसेच मेहुल यांच्या डाव्या डोळ्याजवळ जोरात बुक्का मारल्याने डोळ्यास मारुन दुखापत केली व त्यांचा सोबत असलेल्या कालु उखा चव्हाण अशांना लाथाबुक्यांनी मारहाण करुन मेहुल यांच्या वाहनाची चाबी व खिश्यातले ७२०० रुपये हिसकावुन घेउन वाहनात बसुन चोपडा कडेस पळुन गेले. तसेच भैय्या माळी याने त्याचे जवळील चाकुने वाहनाचे क्लीनर साईडचे पुढील व मागील दोन्ही टायरांना चाकु मारुन नुकसान केले आहे. याप्रकरणी धरणगाव पोलीस स्थानकात भैय्या माळी (पेंटर) व इतर १० ते १५ इसमाविरुद्ध गुन्हा दाखल करण्यात आला आहे. तसेच पुढील तपास अमोल गुंजाळ करीत आहेत.
