जामनेर (प्रतिनिधी) तालुक्यातील टाकळी येथे धाडसी चोरी झाल्याची घटना उघडकीस आली आहे. अज्ञात चोरट्यांनी सोने-चांदीच्या दागिन्यासह रोकड असा एकूण २ लाखाचा ऐवज लंपास केला आहे.
यासंदर्भात सुरेश भरत परदेशी (वय ४० रा. टाकळी ता. जामनेर) यांनी दिलेल्या फिर्यादीत म्हटले आहे की, दि. २० मे २०२२ रोजी कोणीतरी अज्ञात चोरट्याने त्यांच्या शेत गट नंबर १२/१ मध्ये पत्री शेड मधील गोदरेज कपाटातून ७० हजार रुपये रोख रक्कम, १ लाख ३५ हजार रुपये किंमतीचे सोने-चांदीचे दागिने, असा एकूण २ लाख ५ हजार रूपयांचा मुद्देमाल चोरून नेला आहे. याप्रकरणी जामनेर पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास सपोनि दिलीप राठोड हे करीत आहेत.
