जळगाव (प्रतिनिधी) ‘आम्ही वारकरी’ नावाच्या फेसबुक पेजवर राज्याचे ग्रामविकास मंत्री गिरीश महाजन यांची बदनामी केल्याचा प्रकार उघड झाला आहे. याप्रकरणी जिल्हापेठ पोलीस ठाण्यात अज्ञात व्यक्तिविरोधात अदखलपात्र गुन्हा दाखल करण्यात आलाय.
याबाबत मंत्री गिरीश महाजन यांचे स्वीय सहाय्यक अरविंद देशमुख (42, रा.जळगाव) यांनी फिर्याद दिली आहे. त्यात त्यांनी म्हटले आहे की, मंगळवार, 18 रोजी संध्याकाळी सात वाजता देशमुख हे फेसबुक पेज पाहत असताना ‘आम्ही वारकरी’ नावाच्या पेजवर भाजप नेते व ग्रामविकास मंत्री गिरीश महाजन यांच्याबाबत बदनामीकारक वक्तव्य केल्याचे दिसून आले. देशमुख यांनी जिल्हापेठ पोलीस स्टेशनला अज्ञात व्यक्तीविरोधात भादंवि कलम 499 व 500 प्रमाणे गुन्हा दाखल केला आहे.
