भुसावळ (प्रतिनिधी) शहरातील नगर विकास कॉलनीतील रहिवासी तारकेश्वर प्रकाश राणे यांच्या फेसबुक पोस्टवर आमदार संजय सावकारे यांच्याविषयी बदनामीकारण, अपशब्द असलेला मजकूर टाकल्याने बबलू खान सुफियान खान याच्याविरुद्ध भुसावळ बाजारपेठ पोलिस ठाण्यात गुन्हा दाखल करण्यात आला आहे.
बबलू खान सुफियान ए खान याने तारकेश्वर राणे यांच्या फेसबुक अकाउंटवर आमदार सावकारे यांच्याबद्दल टेक्स्ट मेसेज पाठवला. त्यात टक्केवारीवर लिहित आमदारांबद्दल अपशब्द वापरले. यामुळे राज्यात व शहरात आमदार सावकारे यांची प्रतिमा मलीन झाली, अशी फिर्याद राणे यांनी दिली. त्यानुसार बबलू खान विरुद्ध गुन्हा दाखल झाला असून पोलिस निरीक्षक राहूल गायकवाड यांच्या मार्गदर्शनाखाली हवालदार सुनील जोशी तपास करत आहे. संशयित बबलू खान हा शहरातील एका बड्या राजकीय पदाधिकाऱ्याचा जवळचा कार्यकर्ता असल्याचे बोलले जात आहे.
