जळगाव(प्रतिनिधी) शहरातील एका हॉस्पिटलच्या मालकास धमकी देत खंडणी मागितल्या प्रकरणी एका विरोधात खंडणीचा गुन्हा एमआयडीसी पोलिसात दाखल करण्यात आला आहे.
सविस्तर वृत्त असे की, शहरातील एमआयडीसी परिसरातील एका हॉस्पिटल मालकास दि १४ रोजी संशयित आरोपी शोहेब पटेल याने हॉस्पिटलच्या बिलाची पैसे कमी करण्याचे सांगतिले असता, त्याच्या विरोधात दि १६ रोजी एका वृत्तपत्रात खोटी बातमी दिली. त्यानंतर त्या व्यक्तीला हॉस्पिटलमध्ये येवून भेट घेत धमकी देत ५ लाख रुपयाची खंडणी मागितल्या प्रकरणी संशयित आरोपी शोहेब पटेल (रा.नाचणखेडा) याच्या विरोधात एमआयडीसी पोलिसात गुन्हा दाखल करण्यात आला आहे. पुढील तपास पोउनि दीपक जगदाळे हे करीत आहेत.
