रावेर (प्रतिनिधी) मुलाला खोट्या केसमध्ये अडकविण्याची धमकी देत खंडणीची मागणी केल्याप्रकरणी रावेर पोलिसात अल्पवयीन मुलीसह ५ जणाविरोधात गुन्हा दाखल करण्यात आला आहे.
सविस्तर वृत्त असे की, शहरातील नगर पालिकेत सफाई कामगार म्हणून कार्यरत असणाऱ्या रविद्र भिकन छपरीबंद (वय ४२) यांच्या मुलाला खोट्या केसमध्ये अडकविण्याची धमकी देत १७ ऑगस्ट ते ३० सप्टेंबर च्या दरम्यान त्यांना पैशाची मागणी करण्यात आली. या दरम्यान दोन वेळेस खंडणीची रक्कम वसूलही करण्यात आली. याप्रकरणी रावेर पोलिसात संशयित आरोपी अल्पवयीन मुलगी हिच्यासह सोनू चावरिया, आकाश,सोनू, पवन, याच्यासह ४ ते ५ अनोळखी विरोधात रविद्र छपरीबंद यांनी दिलेल्या फिर्यादीवरून रावेर पोलिसात गुन्हा दाखल करण्यात आला आहे. पुढील तपास पोउनी विशाल सोनवणे हे करीत आहेत.
