धरणगाव (प्रतिनिधी) शहरातील हनुमान नगर परिसरातील विवाहितेला आत्महत्येस प्रवृत्त केल्याप्रकरणी पतीसह ६ जणांविरुद्ध गुन्हा दाखल करण्यात आला होता. यातील तिघांना आज न्यायालयात हजर केले असताना तिघांची न्यायलयीन कोठडीत रवानगी करण्यात आली आहे. डिम्पल संजय महाजन (वय २१), असे मयत विवाहितेचे नाव आहे.
नेमकी काय आहे घटना?
शहरातील हनुमान नगरमध्ये आज सकाळी 8 वाजेच्या सुमारास डिम्पल महाजन या विवाहितेचा मृतदेह गळफास घेतलेल्या अवस्थेत घरात आढळून आला. परंतू आपल्या मुलीने आत्महत्या नव्हे, तर तिचा घातपात झाल्याचं संशय मयत विवाहितेच्या नातेवाईकांनी उपस्थित केला होता. दरम्यान, मयत डिम्पल ही 6 महिन्यांची गर्भवती होती. आणि मागील दोन वर्षांपूर्वी तिने पती निलेश सोबत प्रेमविवाह केलेला होता. दरम्यान, मयत डिम्पलचा मृतदेहाचे इनकॅमेरा शवविच्छेदन करण्याची मागणी नातेवाईकांनी केली होती. त्यानुसार पोलिसांनी मृतदेह जळगाव जिल्हा रुग्णालयात रवाना केला होता. त्या ठिकाणी मृतदेहाची ‘इन कॅमेरा’ शवविच्छेदन करण्यात आले.
यांच्याविरुद्ध दाखल झाला गुन्हा !
यानंतर मयत विवाहिता डिम्पलच्या वडिलांनी पोलिसात फिर्याद दिली. त्यानुसार पती निलेश अशोक महाजन, २) सासरे अशोक अभिमन महाजन ३) सासू- निताबाई अशोक महाजन (रा. धरणगाव), मोठी नणंद छाया उर्फ बाळा जितेंद्र महाजन ५) नणदोई भाऊ जितेंद्र उर्भ बबलू संभाजी महाजन (रा. दोडाईचा) ६) लहान नणंद वैशाली उर्फ सोनी वासुदेव देशमुख (रा. भवरखेडा) अशा सहा जणांविरुद्ध गुन्हा दाखल करण्यात आला होता. यापैकी पती निलेश अशोक महाजन, २) सासरे अशोक अभिमन महाजन ३) सासू- निताबाई अशोक महाजन (रा. धरणगाव) यांना आज कोर्टात हजर केले असता त्यांची न्यायालयीन कोठडीत रावागणी करण्यात आली. बचावपक्षातर्फे अॅड.मनोज दवे, अॅड. गजानन पाटील यांनी कामकाज बघितले.
