धरणगाव (प्रतिनिधी) धरणगाव पोलिसांनी तालुक्यात अवैध दारू धंद्याविरुद्ध आक्रमक कारवाई सुरु केली आहे. गावठी दारूसाठी लागणार तब्बल चाळीस हजाराचे रसायन पोलिसांनी नष्ट केले आहे.
निंभोरा, नांदेड येथे हे रसायन नष्ट करण्यात आले. याप्रकरणी पोलीस शिपाई नागराज साळुंखे यांच्या फिर्यादीवरून गोलू गोकुळ ठाकरे (रा. निंभोरा), तर पोलीस नाईक पाटील यांच्या फिर्यादीवरून विठ्ठल रघुनाथ कोळी (रा.निंभोरा) तर तिसऱ्या फिर्यादीत पोलीस नाईक दीपक पाटील यांच्या फिर्यादीवरून छोटू लोटन कोळी व संदीप कोळी (रा. निंभोरा) यांच्याविरुद्ध तर चौथ्या फिर्यादीत पोलीस कॉन्स्टेबल संदीप पाटील यांच्या फिर्यादीवरून शांताराम कौतिक कोळी व राजू सोमा कोळी दोन्ही (रा.नांदेड) विरुद्ध मुंबई दारूबंदी कलम ६५ फ नुसार गुन्हा दाखल करण्यात आला आहे.
ही कारवाई पोलीस निरीक्षक उद्धव ढमाळे, पोलीस उपनिरीक्षक संतोष पवार, पोहेकॉ महेंद्र बागुल, पो.ना. दीपक पाटील, पोहेकॉ संदीप पाटील, पोकॉ नागराज साळुंखे, पो.ना. संदीप पाटील यांच्या पथकाने केली. यामुळे अवैध दारू विक्री करणाऱ्यांचे धाबे दणाणले आहे.
