धरणगाव (प्रतिनिधी) धरणगाव रेल्वे सल्लागार समितीची बैठक नुकतीच संपन्न झाली. या मिटींगसाठी मुंबईवरून ACM रामकृपाल शर्मा तसेच प्रकाश मेश्राम, अमळनेरचे देसाई साहेब व बाळू तायडे आणि संजीवकुमार साहेब हे उपस्थित होते.
सल्लागार समितीचे जेष्ठ सदस्य किरण वाणी यांनी प्रस्तावना केली. समितीकडुन नवनिर्वाचित DRUCC सदस्य WR मुंबई प्रतिक जैन यांचा सत्कार ACM रामकृपाल शर्मा यांनी केला. धरणगाव रेल्वे स्टेशन सल्लागार समितीच्या सदस्यांनी स्टेशनवरील विविध समस्या व उपाय योजनांवर चर्चा करत प्रवाश्यांच्या समस्या मांडल्या. समितीतील ज्येष्ठ सदस्य सुनिल चौधरी,किरण वाणी, आनंद बाजपेयी, अॅड.संदीप सुतारे,हिमालयसिंग राजपूत, किशोर झंवर यांनी पाळधी स्टेशन संदर्भातील विविध समस्या मांडल्या. यावेळी घनश्याम पाटील,अनिल महाजन,समाधान पाटिल,योगेश ठाकरे,व DRUCC मेंबर प्रतिक जैन यांनी विविध गाड्यां विषय़ी थांबे व ऑटो युनियनच्या प्राप्त झालेल्या समस्यावर चर्चा केली. दरम्यान, सर्व समस्या सोडवण्याचा प्रयत्न करू, असे आश्वासन रामकृपाल शर्मा यांनी सांगितले. शेवटी आभार राजेंद्र देसाई यांनी मानले.
