धरणगाव (प्रतिनिधी) एरंडोल रोडवरील हिरा इंटरनॅशनल स्कूलच्या समोर अज्ञात वाहनाने मोटर सायकलला मागून दिलेल्या धडकेत एका तरुणाचा मृत्यू तर एक जण गंभीर झाल्याची घटना 6 मे रोजी दुपारच्या सुमारास घडली.
यासंदर्भात अधिक असे की, प्रवीण विक्रम पाटील (रा. बांभोरी आणि अण्णा ज्ञानेश्वर महाजन (वय 24, रा. संजयनगर) हे दोघेजण आपली दुचाकी क्रमांक ( एमएच 19 सीपी 4419) वरून एरंडोलच्या दिशेने जात होते. दुपारी साधारण दीड वाजेच्या सुमारास अज्ञात वाहनाने त्यांच्या दुचाकीला जोरदार धडक दिली. या अपघातात अण्णा महाजन या तरुणाचा मृत्यू तर प्रवीण पाटील हा गंभीर जखमी झाला आहे. याप्रकरणी धरणगाव पोलीस स्थानकात प्रवीण पाटील यांच्या फिर्यादीवरून अज्ञात वाहन धारकाविरुद्ध गुन्हा दाखल करण्यात आला असून पुढील तपास पो.ना दीपक पाटील हे करीत आहेत.
