भुसावळ (प्रतिनिधी) शहरातील नंदन कॉलनीमधील रहिवासी तथा माजी नगरसेवक सरला झोपे यांचे मंगळसूत्र अज्ञात चोरट्यांनी धूम स्टाईल लंपास केल्याची घटना दि.३१ रोजी दुपारी घडली. याप्रकरणी बाजारपेठ पोलिसांत गुन्हा दाखल झाला आहे.
या संदर्भात अधिक असे की, शनिवारी दुपारी २.४५ वाजेच्या सुमारास सरला शरद झोपे (वय ४८) या नंदनवन कॉलनीतील निखिल वायकोळे यांच्या रूप लक्ष्मी घराजवळून पुरुषोत्तम नगर नंदनवन कॉलनीकडे जाणाऱ्या रस्त्यावरून जात होत्या. यावेळी मागून धूम स्टाइल आलेल्या मोटरसायकल स्वाराने त्यांच्या गळ्यातील ३० हजार रूपये किंमतीचे १२ ग्रॅमचे सोन्याचे मंगळसूत्र घेऊन पोबारा केला. झोपे यांच्या फिर्यादीवरून बाजारपेठ पोलिसांत दोन भामट्यांविरूद्ध गुन्हा दाखल करण्यात आला आहे.
