जळगाव (प्रतिनिधी) शहरातील ईश्वर कॉलनीतील उर्दू शाळेच्या बाजूला व रुचिका ब्युटी पार्लर समोरील रस्त्यावर दोन चोरटयांनी एका महिलेच्या गळ्यातून मंगळसूत्र खेचून चोरी केल्याची घटना समोर आली आहे. याप्रकरणी एमआयडीसी पोलीस ठाण्यात दोन जणांविरुद्ध गुन्हा दाखल करण्यात आला आहे.
यासंदर्भात अधिक असे की, शीतल संजय रोकडे (वय ५२ रा. ईश्वर कॉलनी, जिल्हापेठ जळगाव) या दि. ९ फेब्रुवारी २०२२ रोजी सायंकाळच्या सुमारास शहरातील ईश्वर कॉलनीतील उर्दू शाळेच्या बाजूला व रुचिका ब्युटी पार्लर समोरील रस्त्यावरून घरी जात होत्या. यावेळी मोटार सायकलवर समोरून दोन अनओळखी आरोपींनी त्यांच्या गळ्यातील ३५ हजार रुपये किंमतीचे मंगळसूत्र जबरीने ओढून पळ काढला. याप्रकरणी एमआयडीसी पोलीस ठाण्यात भाग ०५ गुरंन ९२/२०२२ भादवि कलम ३९२,३४ प्रमाणे दोन जणांविरुद्ध गुन्हा दाखल करण्यात आला आहे. पुढील तपास सपोनि प्रमोद कठोरे करीत आहेत.
आरोपींची वर्णन
मोटार सायकलवर मागील इसमाचे वर्णन वय अंदाजे २० ते २५ वर्षे, निमगोरा व लांबट चेहरा असलेला, अंगात काळसर रंगाचे जॅकेट त्यास टोपी घातलेली होती. तर मोटर सायकलवरील चालक वय अंदाजे २० ते २५ वर्षे, अंगात काळसर रंगाचे जॅकेट त्यास टोपी होती.
