बारामती (वृत्तसंस्था) राष्ट्रीय समाज पक्षाचे अध्यक्ष महादेव जानकर यांनी राष्ट्रवादी काँग्रेसचे अध्यक्ष शरद पवार यांनी भेट घेतल्यामुळे सध्या राजकीय वर्तुळात विविध चर्चांना उधाण आले आहे. रासप हा भाजपाचा मित्रपक्ष आहे. माझी आणि विरोधी पक्ष नेते देवेंद्र फडणवीस यांचे भांडण आहे. पण मी त्याचा फायदा दुसऱ्याला होऊ देणार नाही. त्यामुळे मी भाजपा सोबतच राहणार असल्याचे महादेव जानकर यांनी म्हटले आहे.
बुधवारी बारामतीत एका खासगी कार्यक्रमात महादेव जानकर आले होते. यावेळी त्यांनी प्रसारमाध्यमांची संवाद साधला. भाजपावर आपण नाराज असलो तरी कुठेही ही जाणार नाही. आपण सध्या एनडीएमध्ये आहोत आणि पुढेही ही इंडियन मध्येच राहणार आहे, असे महादेव जानकर यांनी सांगितले. तसे एखाद्या पक्षाचा पडता काळ आल्यावर आपण पळून जायचं नसतं असे सांगत माझे आणि देवेंद्र फडणीस यांचे भांडण सुरू आहे. पण पण त्याचा फायदा आम्ही दुसऱ्याला होऊ देणार नाही. त्यामुळे आपण एनडीए मध्येच राहणार असल्याचे महादेव जानकर म्हणाले. दरम्यान, महादेव जानकर यांनी राष्ट्रवादीचे अध्यक्ष शरद पवार आणि उप मुख्यमंत्री अजित पवार यांची नुकतीच भेट घेतली होती. या भेटीनंतर राजकीय वर्तुळात गेल्या काही दिवसांपासून महादेव जानकर नाराज आहेत, अशा चर्चांना उधाण आले होते. त्यापार्श्वभूमीवर महादेव जानकर यांनी शरद पवार यांची घेतलेली भेट घेतल्याचे म्हटले जात होते. मात्र, गंगाखेड चे आमदार रत्नाकर गुट्टे यांच्या कारखान्याच्या कामासंदर्भात ही भेट होती, असे महादेव जानकर यांनी स्पष्ट केले.
धनगर समाजाचे नेते अशी ओळख असलेल्या जानकरांना डावलून फडणवीसांनी गोपीचंद पडळकर यांना जवळ केल्यानं जानकर नाराज आहेत. पण माझा जिल्हाध्यक्ष जेवढा प्रबळ आहे, तेवढा तो नाही, अशा शब्दात जानकरांनी आमदार गोपीचंद पडळकर यांनाही टोला हाणला.
