जळगाव (प्रतिनिधी) जळगाव तालुक्यातील विटनेर येथील डॉ. निलेश सुभाषचंद्र (जैन) ब्रम्हेचा महाविद्यालयातील गरजू मुलींना आज पाणीपुरवठा व स्वच्छता तथा पालकमंत्री गुलाबराव पाटील यांच्या प्रयत्नातून सायकल वाटप करण्यात आल्या.
या कार्यक्रमाचे अध्यक्ष म्हणून जिल्हा परिषद सदस्य प्रतापराव गुलाबराव पाटील तसेच म्हसावद – बोरनार गटातील लोकप्रिय जिल्हा परिषद सदस्य पवन भिला सोनवणे, तालुकाप्रमुख शिवराज पाटील, साहेबराव वराळे, गजानन जगदाळे, पी.के. पाटील, रमेश आप्पा पाटील यांच्यासह विटनेर येथील सरपंच, ग्रामपंचायत सदस्य व ग्रामस्थ मंडळी, शाळेतील मुख्याध्यापक व शिक्षक वर्ग यांच्या उपस्थितीत हा कार्यक्रम राबविण्यात आला.
विटनेर येथील सर्व ग्रामस्थ मंडळी, शिक्षक वर्ग व शाळेतील विद्यार्थ्यांनी पालकमंत्री गुलाबराव पाटील, प्रतापराव पाटील तसेच पवन सोनवणे यांचे आभार मानले.
