जळगाव (प्रतिनिधी) जिल्हा मराठा विद्या प्रसारक सहकारी समाज मर्यादित जळगावची १०३ वी वार्षिक सर्वसाधारण ऑनलाइन संपन्न झाली. यावेळी सभेत माजी मंत्री गिरीश महाजन यांच्या निषेधाचा ठराव मंजूर करण्यात आला आहे.
या सर्वसाधारण सभेच्या अध्यक्षस्थानी ॲड. विजय भास्कराव पाटील यांची सर्व सभासदांनातर्फे सभेचे अध्यक्ष म्हणून निवड करण्यात आली होती. सदर सभेमध्ये एकूण आठ विषय सविस्तर चर्चा करून सर्वानुमते खेळीमेळीच्या वातावरणात मंजूर करण्यात आले. यावेळी संचालक मंडळातर्फे सर्व सभासद बांधवांना वाढत असलेल्या कोरोना संबंधी काळजी घेण्याचे आव्हान करण्यात आले.
गिरीश महाजन यांच्या निषेधाचा ठराव
संस्थेतर्फे कुठलाही आयत्या वेळचा विषय नसताना सभासदांमधून विनोद पंजाबराव देशमुख यांनी आयत्या वेळचा विषय म्हणून गेल्या ०३ वर्षापासून गिरीश महाजन यांनी ज्या पद्धतीने संस्थेच्या संचालक मंडळाला छळले व खोटे गुन्हे दाखल केलेत व संस्थेच्या मालकीची असलेली हजारो कोटींची मालमत्ता हडप करण्याचा प्रयत्न केला. या सर्व बाबींचा जाहीर निषेधाचा ठराव मांडण्यात आला. या ठरावाला सर्व सभासदांनी एकमताने गिरीश महाजन यांचा निषेध नोंदवत मंजुरी दिली. व गिरीश महाजन यांचा तीव्र शब्दात निषेध नोंदविला. सदर सभेच्या शेवटी राष्ट्रगीत घेत सभा खेळीमेळीच्या वातावरणात आभार मानत सभेची सांगता झाली.
