नागपूर (वृत्तसंस्था) शिवीगाळ करणाऱ्या मद्यपी मुलाला हटकले असता त्याने आपल्या वडिलाची त्यांच्याच लोखंडी आधारकाठीने बेदम मारहाण करून हत्या केली. ही घटना नंदनवन पोलीस ठाण्याच्या हद्दीत शनिवारी रात्री घडली. याप्रकरणी पोलिसांनी आरोपी मुलाला अटक केली. अमित कृष्णराव रायपूरकर असे आरोपी मुलाचे तर कृष्णराव सदाशिव रायपूरकर नाव आहे. असे मृतक
अर्चना अमित रायपूरकर (३२), त्यांचे पती अमित कृष्णराव रायपूरकर (४५) व सासरे कृष्णराव सदाशिव रायपूरकर (७५, रा. शक्तिमातानगर, नंदनवन) हे एकाच घरात राहतात. अमित रायपूरकर हा दारूच्या आहारी गेला होता. कामावरून घरी परतल्यावर दारू पिऊन यायचा. त्याचे वडील कृष्णराव रायपूरकर हे भूमी अभिलेख कार्यालयातून सेवानिवृत्त झाले होते. ते मुलासोबत त्याच्या घरी राहत होते. वयाची पंचाहत्तरी गाठल्यामुळे लोखंडाच्या आधारकाठीने ते उभे राहत व चालत होते.
अमित रायपूरकर दररोज दारू पिऊन घरी यायचा. पत्नी व वडिलांना शिवीगाळ करायचा. त्याच्या वागण्यामुळे कुटुंब त्रस्त होते. कारण नसताना मुलगा शिवीगाळ करीत असल्याने वडील कृष्णराय रायपूरकर यांना अपमानित वाटत होते. परंतु वृद्धत्वामुळे त्यांचा नाइलाज होता. ९ सप्टेंबरला रात्री ७.३० वाजता पित्याचे अमित रायपूरकर कामावरून दारू पिऊन घरी आला. त्याने पत्नी अर्चना आणि वडील कृष्णराव यांच्याशी वाद घातला. वडिलांना शिवीगाळ केली. त्यांनी मनाई केली असता अमित रायपूरकरने त्यांच्याच लोखंडी आधारकाठीने पाठीवर बेदम मारहाण केली. यात ते गंभीर जखमी झाले. सून अर्चना रायपूरकरने सासऱ्याला उपचाराकरिता सक्करदरा येथील इटकेलवार हॉस्पिटल येथे नेले. मात्र डॉक्टरांनी तपासून मृत घोषित केले. अर्चना रायपूरकरच्या तक्रारीवरून नंदनवन पोलिसांनी आरोपी अमित रायपूरकरविरुद्ध विविध कलमान्वये गुन्हा नोंद करून त्याला अटक केली आहे. याबाबतचे वृत्त आज एका दैनिकाने प्रसिद्ध केले आहे.
