जळगाव (प्रतिनिधी) जिल्ह्यातील बोरनार गावात मस्जिद ट्रस्टच्या वतीने ईद-उल-फित्रचा अप्रतिम कार्यक्रम आयोजित करण्यात आला होता. ज्यामध्ये गावातील सर्व हिंदू-मुस्लिम लोकांना आमंत्रित करण्यात आले होते. कार्यक्रमाच्या अध्यक्षस्थानी जळगावचे माजी उपमहापौर अब्दुल करीम सालार होते.
अल्पसंख्याकांच्या कल्याणासाठी कोटयावधींचा निधी आणल्याच्या आनंदात मंत्री गुलाबराव पाटील यांच्या हस्ते समस्त ग्रामस्थांच्या हस्ते “आदर्श नेता पुरस्कार” प्रदान करण्यात आला. मंत्री महोदयांनी २५ लाख रुपयांचा निधी जाहीर केला होता. परंतु तेथे जागेची अडचण होती, ज्यासाठी अब्दुल करीम सालार आणि त्यांच्या कुटुंबीयांनी मस्जिद ट्रस्टच्या नावावर ६०९० चौरस फुटांचा भूखंड भेट बक्षीस पत्राद्वारेभेट म्हणून नोंदणीकृत केला. ज्याची कागदपत्रे ना. गुलाबराव पाटील यांच्या हस्ते ट्रस्टच्या प्रभारींना देण्यात आली.
यावेळी सर्व हिंदू व मुस्लिम बांधवांना शीर खुर्मा देण्यात आला. कार्यक्रमास गावचे सरपंच चौधरी, अब्दुल अजीज सालार, इरफान सालार इफ्तिखार, गणेश सोनोने, ग्रामपंचायत सदस्य व मोठ्या संख्येने नागरिक उपस्थित होते.
