बोदवड (प्रतिनिधी) येथील तहसीलदारांसह तिघांना आठ हजाराची लाच घेताना जळगाव एसीबीच्या पथकाने रंगेहात अटक केल्याने प्रचंड खळबळ उडाली आहे. बोदवड येथील तहसीलदार योगेश टोनपे यांच्यासह त्यांचा वाहनचालक व तलाठी व एका खासगी पंटराचा संशयित आरोपींमध्ये समावेश असून पुढील कारवाई एसीबी करीत आहे.
यासंदर्भात अधिक असे की, तक्रारदार यांचे वाळू वाहतूकीचा व्यवसाय आहे. अवैधरित्या वाळूची वाहतूक सुरू ठेवण्यासाठी अतिरिक्त पैश्यांची मागणी केली जात असल्याचे समोर आले आहे. वाळूची वाहतूक सुरू ठेवण्यासाठी आठ हजाराची मागणी केली होती. त्यानुसार तक्रारदार यांनी जळगाव लाचलुचपत विभागाकडे तक्रार दिली होती. तक्रारीची पडताळणीसाठी जळगावच्या लाचलुचपत विभागाने आज सापळा रचला होता. यावेळी बोदवडचे तहसीलदार योगेश टोनपे यांच्यासह तलाठी, त्यांचा वाहन चालक आणि एका खासगी पंटरला जळगावच्या लाचलुचपत विभागाच्या पथकाने आठ हजाराची लाच घेतांना रंगेहात पकडले आहे. तहसील कार्यालयाचे तहसीलदार टोनपे लाच प्रकरणात अडकल्याने संपूर्ण महसूल प्रशासन हादरले आहे.
यापूर्वी देखील जळगाव जिल्हाधिकारी कार्यालयात प्रांतअधिकारी दीपमाला चौरे यांच्यावर अशाच पद्धतीने सापडा रचून त्यांच्यावर लाचेचा ठपका ठेवत एसीबी कडून कारवाई करण्यात आली होती. आणि पुन्हा एकदा आता बोदवड तहसीलदारांवर एसीबी च्या झालेल्या कारवाईने खळबळ उडाली आहे.
