भुसावळ (प्रतिनिधी) शहरातील रेल्वे स्टेशन परिसरातील मॉर्डन रोडवरील तीन दुकाने चोरट्यांनी फोडली असून चोरटे रोकडसह ७ लाखाचा मुद्देमाल घेऊन पसार झाले आहे. यामुळे शहरात एकच खळबळ उडाली आहे.
यासंदर्भात अधिक असे की, रेल्वे स्टेशन परिसरातील गोपी शॉपिंग मॉल यांच्या दुकानाच्या टेरिसचे पाचव्या मजल्याचे शटर वाकवून चोरट्यांनी आतमध्ये प्रवेश केला. तसेच प्रत्येक मजल्यावरील सामान अस्थव्यस्त करण्यात आला आहे. महागडे कपडे तसेच ब्लेझर व १ लाख ५८ हजार रुपये रोख अशी रक्कम एकूण ४ लाख ५० हजार रुपये चोरटे घेऊन पसार झाले आहे. रात्रीच्या दरम्यान गोपी शॉपिंग मॉलचे मालक रविकुमार गोपीचंद झामनानी मॉल बंद करतांना सी.सी.टीव्ही.कॅमेरे सुरू करण्याचे विसरल्याने नेमके चोरटे कोण हे समजू शकले नाही.
गुरुनानक क्लाथ स्टोअर्समध्ये चोरी
दुसरी घटना गोपी शॉपिंग मॉलला लागून असलेले गुरुनानक क्लाथ स्टोअर्समध्ये चोरट्यांनी गोपी शॉपिंग मॉलच्या पाचव्या मजल्यावरून गुरुनानक क्लाथ स्टोअर्सच्या ३ ऱ्या मजला साडीचा दोर बनवून उतरले तसेच गोपी शॉपिंग मॉल मधील साड्यांच्या गठाणी बांधलेल्या गुरुनानक क्लाथ स्टोअर्सच्या मजल्यावर फेकण्यात आलेल्या आहेत. चोरट्यांनी गुरुनानक क्लाथ स्टोअर्स मधील चार काउंटर उघडून सामान अस्थव्यस्त केला आहे. तसेच १ लाख ७५ हजार रोख रक्कम लांबविली आहे. या दुकानातील मालक वासुदेव मोटूमल मानवाणी हे सी. सी. टीव्ही. कॅमेरे सुरू करण्याचे विसरल्याने नेमके चोरटे कोण हे समजू शकले नाही.
हरे कृष्ण मॉलमध्ये चोरी
तिसरी घटना गुरुनानक क्लाथ स्टोअर्सला लागून असलेले हरे कृष्ण मॉलमध्ये घडली. चोरट्यांनी ४ थ्या मजल्यावरील टेरिस वरील पत्रे वाकवून खाली उतरण्यासाठी ब्लॅंकेट चा वापर चोरट्यांनी करून आत प्रवेश केला तसेच ४२ हजार रोकड ब्लॅंकेट व जॅकीट असे मुद्देमाल घेऊन पसार झाले. रात्रीच्या १२.५० वाजेच्या दरम्यान ही घटना घडल्याचे हरे कृष्ण मॉल सी.टीव्ही.कॅमेऱ्यात कैद झाले आहे.
घटनास्थळी पोलिसांनी लावली हजेरी
बाजारपेठ पोलिस ठाण्याचे पोलिस निरीक्षक राहुल गायकवाड सहाय्यक पोलीस निरीक्षक हरीश भोई, पोलीस कर्मचारी जावेद शेख, बंटी कापडणे, सचिन पॉल, अतुल कुमावत, रमण सुरडकर, तुषार पाटील महेश चौधरी आदी कर्मचारी उपस्थित घटनास्थळाची पाहणी केली.
