धरणगाव (प्रतिनिधी) तालुक्यातील एका गावातील कुटुंबातील सदस्यांना नऊ जणांनी मारहाण केली आहे. एवढेच नव्हे तर मुलगी गरोदर आहे असं सांगत कुटुंबाची बदनामी देखील केल्याचा प्रकार समोर आला आहे. याप्रकरणी धरणगाव पोलीस स्थानकात नऊ जणांविरुद्ध गुन्हा दाखल करण्यात आला आहे.
यांदर्भात पिडीत मुलीच्या वडिलांनी दिलेल्या फिर्यादीनुसार, दि. ८ जून २०२२ रोजी रात्रीच्या सुमारास संदीप संभाजी पाटील, विश्वास चैत्राम पाटील, ज्ञानेश्वर चैत्राम पाटील, संभाजी चैत्राम पाटील, भैय्या संभाजी पाटील, पिंटू फुला पाटील, नाना फुला पाटील, राहुल सुकलाल पाटील आणि एक महिला अशा सर्वांनी मिळून पिडीत मुलीचे वडील, भाऊ, पिडीत तरुणी व आईला मारहाण केली. तसेच फिर्यादीची मुलगी गरोदर आहे, असे गावात सांगून मुलीची बदनामी केली आहे. याप्रकरणी धरणगाव पोलीस स्थानकात नऊ जणांविरुद्ध गुन्हा दाखल करण्यात आला असून पुढील तपास पोहेकॉ खुशाल पाटील हे करीत आहेत.
