धरणगाव (प्रतिनिधी) आमच्या स्टोन क्रशरचे काम कायदेशीर आणि नियमाप्रमाणे असल्याचा लेखी खुलासा ‘द क्लिअर न्यूज’कडे स्टोन क्रशरचे संचालक देविदास महाजन यांनी पाठविला आहे.
देविदास महाजन यांनी पाठविलेल्या खुलाशात म्हटले आहे की, 11 जून रोजी ‘द क्लिअर न्यूज’मध्ये माझ्या स्टोन क्रशर विरोधात बातमी प्रकाशित केली आहे. त्यानुसार स्टोन क्रशर विरोधात शेतकरी आक्रमक पवित्रा घेत असून स्टोन क्रशरमुळे शेतकऱ्यांचे नुकसान होईल, असा उल्लेख आहे. वास्तविक शेतकऱ्यांना कोणतीही अडचण नाही. स्टोन क्रशरकडे जाणाऱ्या रस्ता मी सर्व परवानगी घेऊन बनवीत होतो. परंतू त्या ठिकाणी परिसरातील शेतकरी तसेच पत्रकार म्हणवून घेणाऱ्या एका तरुणासह दोन शेतकऱ्यांनी विरोध दर्शविला. तसेच आम्हाला दोन लाख रुपये द्यावे, अन्यथा इतर शेतकऱ्यांना घेऊन आंदोलन करू, असे म्हटल्याचा आरोप देविदास महाजन यांनी कुणाचेही नाव न घेता केला आहे.
परंतू आपण सर्व काम काम नियमानुसार व कायदेशीर करीत असल्याचे आपण त्यांना सांगितल्याचे महाजन यांनी खुलाशात म्हटले आहे. यामुळे समोरच्यांनी आमच्या स्टोन क्रशरवर हरकत घेतली. तसेच तहसीलदार साहेब यांच्याकडेही मुद्दामहून हरकत घेतली. दुसरीकडे तहसीलदार व उपविभागीय अधिकारी एरंडोल भाग एरंडोल यांच्या कोर्टात शिव रस्त्याचा निकाल आमच्या बाजूने लागला. याचा राग आल्याने सदर लोकांनी इतर शेतकऱ्यांना आमच्या विरोधात भडकवून आंदोलन उभे करून आम्हाला हेतू पुरस्कर मानसिक व आर्थिक त्रास देण्याचा त्यांचा प्रयत्न आहे. संबंधीतांविरुद्ध आम्ही योग्य ती कायदेशीर कार्यवाई करणार असल्याचेही श्री. महाजन यांनी कळविले आहे.
