वीज कोसळून शेतकरी ठार ; आमोदा शिवारात घडली घटना

यावल : प्रतिनिधी
तालुकयातील आमोदा येथील शिवारात वीज‎ कोसळून शेतात काम करणारा ६०‎ ‎ वर्षीय शेतकरी‎ ‎जागीच ठार‎ ‎ झाल्याची धक्कादायक घटना बुधवारी‎ ‎ दुपारी घडली.‎ ‎
सविस्तर असे की, येथील ६० वर्षीय शेतकरी ज्ञानदेव धनू‎ चौधरी असे मृत शेतकऱ्याचे नाव‎ आहे.‎ आपल्या‎ आमोदा शिवारातील शेतात पिकाची‎ मशागत करत होते. यावेळी बुधवारी दुपारी १‎ वाजेपासून अचानक ढगांचा‎ गडगडाट व पाऊस सुरू झाला. त्यात चौधरी यांच्यावर वीज‎ कोसळून ते जागीच ठार झाले.‎ दुपारी १ ते २ वाजेदरम्यान हा प्रकार‎ झाला. ही घटना निदर्शनास येताच‎ शेतमजुरांनी घटनास्थळी धाव‎ घेतली. फैजपूर पोलिसांना माहिती‎ देण्यात आली. फैजपूरचे सहाय्यक‎ पोलिस निरीक्षक सिद्धेश्वर‎ आखेगावकर यांच्या‎ मार्गदर्शनाखाली उपनिरीक्षक‎ मकसुद शेख, हवालदार उमेश‎ सानप, गोकुळ तायडे, विकास‎ सोनवणे यांनी पंचनामा केला.‎ अकस्मात मृत्यूची नोंद केली. मृत‎ शेतकऱ्याच्या पश्चात मुलगा,‎ मुलगी, आई-वडील आहे.‎