बोदवड (प्रतिनिधी) मुलीच्या लग्नाची पत्रिका वाटून घराकडे परतणाऱ्या पित्यासह दोन जणांचा अज्ञात वाहनाच्या धडकेने मृत्यू झाला. ही हृदयद्रावक घटना बोदवड-भुसावळ रस्त्यावर साळशिंगी नर्सरीजवळ गुरुवारी रात्री ९ वाजण्याच्या सुमारास घडली. शिवाजी रामदास काळबैले (क्य ५५) आणि त्यांचा भाचा ज्ञानेश्वर लक्ष्मण पाटील (वय ३५) अशी मृत ची नावे मामा-भाच्याचे नाव आहे.
शिवाजी काळबहिले यांच्या कन्येचा विवाह येत्या १७ फेब्रुवारीला होता. जळगाव येथे नातेवाइकांकडे लग्नाची पत्रिका वाटप करून मामा शिवाजी काळबहिले व भाचा ज्ञानेश्वर पाटील हे दुचाकीने गुरुवारी सायंकाळी सात ते रात्री आठ वाजेदरम्यान साळशिंगीकडे परत जात होते. बोदवड ते भुसावळदरम्यान करंजी फाट्याजवळ नर्सरीनजीक त्यांच्या दुचाकीला अज्ञात वाहनाने घड़क दिली. त्यात दोघे जागीच ठार झाले, काळबैले यांच्या पश्चात तीन मुली असल्याचे कळते.
