जळगाव (प्रतिनिधी) अन्न व औषध प्रशासनाने जय गुरुदेव इंडस्ट्रीज अँड वेअर हाऊसिंग, वरखेडी रोड, पाचोरा, जि. जळगाव या ठिकाणी धाड टाकली. ब्राउन शुगर चा शिल्लक साठा २०० कट्टे, किंमत ३ लाख १० हजार रुपयांचा मुद्देमाल जप्त करण्यात आला आहे.
अन्न व औषध प्रशासनाने जय गुरुदेव इंडस्ट्रीज अँड वेअर हाऊसिंग, वरखेडी रोड, पाचोरा, जि. जळगाव या ठिकाणी धाड टाकली असता एक्सपोर्ट साठी शुगर बोईल कन्फेक्शनरी तयार करीत असताना आढळले. तसेच काही डोमेस्टिक उद्देशासाठी शुगर बोईल कम कन्फेक्शनरीचे विक्री करता उत्पादन करीत असल्याचे देखील आढळले. या ठिकाणी तपासणीत आस्थापनेत केंद्रीय अन्नु सुरक्षा मानके कायदा २००६ अंतर्गत परवाना आढळून आला. इथे शुगर बोईल कन्फेक्शनरीचे उत्पादन अत्यंत अनारोग्य वातावरणात सुरू असल्याचे आढळून आले. तसेच शुगर बोईल कन्फेक्शनरी उत्पादना करिता वापरण्यात येणाऱ्या कच्चा माल म्हणजेच ब्राउन शुगर चे ५० किलो चे २०० कट्टे अत्यंत अस्वच्छ ठिकाणी साठवलेले होते. तसेच या जवळ धूळ, कचरा व अडगळीचे सामान देखील होते, त्यामुळे हा शिल्लक साठा २०० कट्टे, किंमत ३ लाख १० हजार रुपयांचा मुद्देमाल जप्त करण्यात आला आहे.
ब्राऊन शुगर चा नमुना विश्लेषणाकरीता अन्नु विश्लेषकाकडे पाठविण्यात आला होता. प्राप्त अहवालानुसार पदनिर्देशित अधिकारी यांनी सदरचा अहवाल असुरक्षित घोषित केलेला आहे. या प्रकरणी अन्न सुरक्षा व मानके कायदयाच्या कलम, नियम व विनियमानुसार पुढील कार्यवाही प्रशासनामार्फत् घेण्यात येणार आहे. याप्रकरणी विवेक पाटील, अन्न सुरक्षा अधिकारी यांनी सहायक आयुक्त् (अन्न), अन्न् व औषध प्रशासन, महाराष्ट्र राज्य, जळगाव यो. कों. बेंडकुळे यांचे मार्गदर्शनाखाली कारवाई केलेली आहे
